ലക്നൗ: മന്ത്രിസഭയിലും പോലീസ് വകുപ്പുകളിലും പുന:ക്രമീകരണം നടത്തിയതിന് പിന്നാലെ യുപി സര്ക്കാര് പുതിയ ട്രാന്സ്ഫര് നയത്തിന് അംഗീകാരം നല്കി. ഇന്ന് ചേര്ന്ന മന്ത്രിസഭാ യോഗത്തിലാണ് 2017-18 കാലഘട്ടത്തിലെ പുതിയ ട്രാന്സ് നയം അംഗീകരിച്ച് കൊണ്ട് തീരുമാനമായത്.
പുതിയ നയം അനുസരിച്ച് ഗ്രൂപ്പ്-എ, ഗ്രൂപ്പ്-ബി എന്നിവയ്ക്ക് കീഴില് വരുന്ന മൂന്നോ ഏഴോ വര്ഷം പൂര്ത്തിയാക്കിയ ഓഫീസര്മാരെയും കീഴ് ഉദ്യോഗസ്ഥരെയുമാണ് സ്ഥലമാറ്റും. ജൂണ് 30ഓടെ ട്രാന്ഫറുകള് പൂര്ത്തിയാകും.
ഗ്രൂപ്പ് ബിയുടെ ട്രാന്സ്ഫറുകള് വകുപ്പ് മേധാവികളും ഗ്രൂപ്പ് എയുടെ ട്രാന്സ്ഫറുകള് സംസ്ഥാന സര്ക്കാരും അംഗീകരിക്കും. ഗ്രൂപ്പ് ബിക്ക് കീഴില് വരുന്ന ഉദ്യോഗസ്ഥരുടെ വിരമിക്കലിന് രണ്ട് വര്ഷം മാത്രമാണ് ബാക്കിയുള്ളതെങ്കില് അവരെ നാട്ടില് തന്നെ നിയമിക്കാനും യോഗത്തില് തീരുമാനമായി. ഗ്രൂപ്പ് എയുടെ കാര്യമെടുത്താല് അവരെ സ്വന്തം ജില്ലയോട് ചേര്ന്നുള്ള ജില്ലയിലാകും നിയമിക്കുക.
മുഖ്യമന്ത്രി യോഗി ആദിത്യനാഥിന്റെ അധ്യക്ഷതയില് ചേര്ന്ന മന്ത്രിസഭാ യോഗത്തില് എല്ലാം വര്ഷവും ജനുവരി 24ന് ഉത്തര്പ്രദേശ് ദിനമായി ആഘോഷിക്കാനും തീരുമാനിച്ചു. നിലവിലുള്ള മാനുവല് ടെന്ഡര്, സംഭരണ പ്രക്രിയ എന്നിവ തടയുന്നതിനും ഇ-ടെന്ഡര്, ഇ-പ്രൊജ്യൂഷന് നയങ്ങള് നടപ്പിലാക്കുന്നതിനും മന്ത്രിസഭാ യോഗത്തില് തീരുമാനമായി.
ജിഎസ്ടി ബില്ലിനും മന്ത്രിസഭാ യോഗം അംഗീകാരം നല്കിയിട്ടുണ്ട്.
പ്രതികരിക്കാൻ ഇവിടെ എഴുതുക: