സൂര്യനുചുറ്റും ഭൂമി വലംവെയ്ക്കുമ്പോള് ഭൂമി സ്വയം കറങ്ങാതെ തന്നെ ഒരു രാപകല് ഭൂമിക്കു സ്വന്തമാകുന്നു. എങ്ങനെ എന്നു നോക്കാം.
ഭൂമികറങ്ങുന്നില്ല എന്നുസങ്കല്പിക്കുക. സ്വയംകറങ്ങാതെ തന്നെ ഭൂമി സൂര്യനെ ഒന്നുവലംവെച്ചാല് ഇപ്പോഴുള്ള മുന്നൂറ്റിയറുപത്തഞ്ചേകാല് ദിവസമാകുന്ന സമയംകൊണ്ട് ഭൂമിക്കൊരു രാപകലുണ്ടാകും. എന്നുപറഞ്ഞാല് ഒരുവര്ഷത്തില് ഭുമി അതിന്റെ അച്ചുതണ്ടില് മുന്നൂറ്റിയറുപത്തഞ്ചേകാല് (365 .25) പ്രാവശ്യം കറങ്ങുന്നില്ല. മറിച്ച് ഒരുപ്രാവശ്യം കുറച്ചേ കറങ്ങുന്നുള്ളു. ഒരുദാഹരണം: കത്തുന്ന ഒരു മെഴുകുതിരിക്കു ചുറ്റും ഒരു പന്ത് കറക്കാതെ മെഴുകുതിരിയെ വലംവെച്ചാല് വലയം പൂര്ത്തിയാകുമ്പോഴേക്കും പന്തിന്റെ എല്ലാവശവും പ്രകാശത്തെ അഭിമുഖീകരിക്കുന്നതു കാണാം.
മറ്റൊരുദാഹരണം: മേശമേല് ഒരുനാണയം വെയ്ക്കുക. മറ്റൊരുനാണയം ആദ്യം വെച്ച നാണയത്തിനു ചുറ്റും വലംവെച്ചാല് വലംവെയ്ക്കുന്ന നാണയം സ്വയം തിരിയാതെ തന്നെ എല്ലാവശവും സ്ഥിരമിരുന്ന നാണയത്തിനഭിമുഖമായി വരുന്നതുകാണാം. മറ്റൊരു രസകരമായ സംഭവം. ഇരുപത്തൊന്നു പല്ലുള്ള ഒരു ചക്രത്തില് ഏഴുപല്ലുള്ള ഒരുചക്രം ഒരു പ്രാവശ്യം കറങ്ങി വരുമ്പോള് എത്ര പ്രാവശ്യം ചെറിയചക്രം അതിന്റെ അക്ഷത്തില് തിരിഞ്ഞിരിക്കും? പെട്ടന്നുപറഞ്ഞാല് ഇരുപത്തൊന്നേ ഭാഗം ഏഴ്. ഉത്തരം മൂന്ന്. തെറ്റാണ്. നാലാണുത്തരം. സംശയമുണ്ടെങ്കില് മേല്പ്പറഞ്ഞ നാണയം ഒരെണ്ണം സ്ഥിരമാക്കിവച്ച് അതേവലിപ്പമുള്ള മറ്റൊരുനാണയം മുട്ടിച്ച് ചുറ്റുമുരുട്ടുക. രണ്ടുനാണയത്തിന്റെയും ചുറ്റളവൊന്നാകയാല് ഒരുപ്രാവശ്യമേ കറങ്ങാവു. എന്നാല് പുറത്തുകറങ്ങിയ നാണയം അതിന്റെയക്ഷത്തില് രണ്ടുപ്രാവശ്യം കറങ്ങുന്നതുകാണാം.
ഇനി കാര്യങ്ങളിലേക്കുവരാം. കറങ്ങാതെതന്നെ ഭൂമി സൂര്യനെയൊന്നു വലംവയ്ക്കുമ്പോള് ഒരു രാപകല് സ്വന്തമാകുന്നു. എന്നാല് ഭൂമി സ്വയംകറങ്ങിയും സ്വമേധയാ കിട്ടിയ രാപകലും കൂടി മുന്നൂറ്റിയറുപത്തഞ്ചേകാല്ദിവസം വരുമ്പോള് ഭൂമിക്ക് കറക്കത്തില് ഒരുവര്ഷം കിട്ടിയ ദിനം മുന്നൂറ്റിയറുപത്തി നാലേകാല് (364 .25)ദിവസമല്ലെ?.അപ്രകാരം സൂര്യോദയം മുതല് സൂര്യോദയം വരെ ഇരുപത്തിനാല് മണിക്കുറെങ്കില് ഭൂമി ഒരുവട്ടം സ്വയം കറങ്ങുവാനെത്ര മണിക്കുര് വേണം?. ഇവിടെ ദിനരാത്രങ്ങളും ഭൂമിയുടെ ഭ്രമണസമയവും ഒന്നല്ലന്നുകാണാം.
ദിനരാത്രം സംഭവിച്ച് ഏകദേശം ഇരുന്നൂറ്റി മുപ്പത്തിയാറര (236.5)സെക്കന്റ് കഴിഞ്ഞേ ഭൂമിയുടെ ഒരുഭ്രമണം പൂര്ത്തിയാകുന്നുള്ളു. ഇത്തരത്തില് ഭ്രമണം ചെയ്യുന്ന എല്ലാഗ്രഹോപഗ്രഹങ്ങള്ക്കും ഇതുബാധകമാകയാല് ഗ്രഹപരിവേഷകര് ഇതില് കൃത്യതപാലിക്കുന്നു. അല്ലാത്തപക്ഷം ചന്ദ്രനില് താമസമായാല് അവിടെനിന്നും ഒരു റോക്കറ്റ് ഭൂമിയിലെ കേരളത്തിലേക്കയച്ചാല് ഭൂമി കറങ്ങിവരുന്നതനുസരിച്ച് അമേരിക്കയിലായിരിക്കും പതിക്കുക. ഇത്തരത്തിലുള്ള കൃത്യതയാര്ന്ന കണക്കുകള് പാഠ്യപദ്ധതിയില് ഉള്പ്പെടുത്തി കുട്ടികളെ ബോധവല്ക്കരണം ചെയ്യിക്കുന്ന സംമ്പ്രദായമുണ്ടാകണം.
പ്രതികരിക്കാൻ ഇവിടെ എഴുതുക: