കൊട്ടിയൂര്: വയനാട്ടിലെ ചിരപുരാതനവും ചരിത്രപ്രസിദ്ധവുമായ മുതിരേരി ക്ഷേത്രത്തിലെ പുനപ്രതിഷ്ഠാ നവീകരണ കശ പരിപാടികള്ക്ക് തുടക്കമായി. 7ന് ഉച്ചക്ക് 12നും 1മണിക്കും മദ്ധ്യേയാണ് പുനപ്രതിഷ്ഠാ കര്മ്മം നടക്കുക. കൊട്ടിയൂര് വൈശാഖ മഹോത്സവത്തിന്റെ തുടക്കം കുറിച്ചുകൊണ്ട് വാള് എഴുന്നള്ളിക്കുന്ന ക്ഷേത്രമാണ് മുതിരേരി ക്ഷേത്രം. മഹാദേവന്റെ ആജ്ഞയനുസരിച്ച് ദക്ഷന്റെ യാഗശാലയും മറ്റും നിശേഷം നശിപ്പിച്ച ശേഷം യാഗത്തിന് വിഘ്നം വരുത്തി ദക്ഷന്റെ കഴുത്തറുത്ത് വീരഭദ്രന് തന്റെ വാള് എറിഞ്ഞപ്പോള് വീണ സ്ഥലമാണ് മുതിരേരി എന്നാണ് സങ്കല്പം.
പരിപാടിയുടെ ഭാഗമായി ഇന്നലെ കലവറ നിറക്കല് ഘോഷയാത്ര, ആചാര്യവരണം, തുടങ്ങിയവ നടന്നു. ഇന്ന് പതിവ് പൂജകള്ക്ക് പുറമെ ദഹന പ്രായശ്ചിത്ത ക്രിയ, വിശേഷാല് പൂജകള്, ഭജന എന്നിവ നടക്കും. രാവിലെ 10ന് നടക്കുന്ന സമാരംഭ സദസ്സ് വയനാട് ജില്ലാ പ്രസിഡണ്ട് ടി.ഉഷാകുമാരി ഉദ്ഘാടനം ചെയ്യും. ഗാനരചയിതാവ് പി.കെ.ഹരിനാരായണന് മുഖ്യ പ്രഭാഷണം നടത്തും. ഇ.നാരായണന് നമ്പൂതിരി അധ്യക്ഷത വഹിക്കം. ഡോ.പി.നാരായണന് നായര്, ഡോ.വിജയകൃഷ്ണന്, വി.സി.ശശീന്ദ്രന് നമ്പ്യാര്, വേണു മണത്തണ, രാമചന്ദ്രന് നായര്, കെ.പ്രശോഭ്, തുടങ്ങിയവര് സംസാരിക്കും. നാളെ പതിവ് പൂജകള് കൂടാതെ രാവിലെ 10ന് തോണിച്ചാല് പഴശ്ശിബാലമന്ദിരത്തിലെ എം.ബാലചന്ദ്രന്റെ പ്രഭാഷമം, വൈകുന്നേരം സര്വ്വൈശ്വര്യ പൂജ എന്നിവ നടക്കും.
6ന് രാവിലെ 9ന് പ്രത്യേക പൂജകള്ക്ക് ശേഷം ബിംബം പുതിയകോവിലിലേക്ക് മാറ്റി സ്ഥാപിക്കല്, മറ്റ് നിര്മ്മാണ പ്രവര്ത്തനങ്ങള് എന്നിവയും ബിംബശുദ്ധി, കലശാഭിഷേകം തുടങ്ങിയവയും നടക്കും. രാവിലെ 6 മുതല് 7ന് പ്രതിഷ്ഠ കാഴിയുന്നതുവരെ അഖണ്ഡനാമജപയജ്ഞം ഉണ്ടായിരിക്കും. പ്രതിഷ്ഠാ ദിനമായ 7ന് ഉച്ചക്ക് 12നും 1നുമിടയില് വീരഭദ്ര സ്വാമികളുടെയും ഭദ്രകാളി, ശാസ്താവ് തുടങ്ങിയവയുടെയും പ്രതിഷ്ഠാ കര്മ്മങ്ങള് നടക്കും. ഉച്ചക്ക് 2 മണിക്ക് നടക്കുന്ന സാംസ്കാരിക സമ്മേളനത്തില് തന്ത്രി കോഴിക്കോട്ടിരി നമ്പൂതിരിപ്പാട് അധ്യക്ഷത വഹിക്കും. തന്ത്രി നന്ത്യാര്വള്ളി നമ്പൂതിരിപ്പാട്, എം.കെകുഞ്ഞികൃഷ്ണന് നമ്പ്യാര്, സജീവ് മാറോളി, തിട്ടയില് ബാലന് നായര്, വെള്ളന്വൈദ്യര്, പ്രശോഭ് തുടങ്ങിയവര് സംസാരിക്കും. ചടങ്ങില് കൊട്ടിയൂര് അടിയന്തിരക്കാരെ ആദരിക്കും.
8ന് രാവിലെ നാഗപ്രതിഷ്ഠ, ബ്രഹ്മരക്ഷസ് പ്രതിഷ്ഠ, വൈകുന്നേരം 6.30ന് ഗായത്രി അര്ച്ചന, 9ന് രാവിലെ മുതല് പ്രത്യേക പൂജകള്, ബ്രഹ്മകലശ പൂജ, പരികലശ പൂജ തുടങ്ങിയവയും നടക്കും. 10ന് രാവിലെ പതിവ് പൂജകള്ക്ക് ശേഷം ബ്രഹ്മകലശാഭിഷേകം, ഉച്ചപൂജ എന്നിവയോടെ നവീകരണ കലശം സമാപിക്കും. ഉച്ചക്ക് 2 മണിക്ക് നടക്കുന്ന സമാപന സമ്മേളനം ജില്ലാ പഞ്ചായത്ത് വൈസ് പ്രസിഡണ്ട് ഷൈമ മുരളീധരന് ഉദ്ഘാടനം ചെയ്യും. ബാലന് കൊയ്യാലക്കണ്ടി അധ്യക്ഷത വഹിക്കും. എം.കെ.വിനോദ്, സുരേന്ദ്രന് നമ്പൂതിരി, എം.രാധാദേവി, മധു പാലയാട്ട്, കെ.കെ.അച്ചപ്പന് തുടങ്ങിയവര് സംസാരിക്കും.
പ്രതികരിക്കാൻ ഇവിടെ എഴുതുക: