പെരുമ്പളം: പെരുമ്പളം ദ്വീപില് വൈദ്യുതി മുടക്കം പതിവായി. ജനങ്ങള് ദുരിതത്തില്. വൈകിട്ട് 7.30 മുതല് ഒന്പത് വരെയാണ് തുടര്ച്ചയായി വൈദ്യുതി മുടങ്ങുന്നത്.
ഇതുസംബന്ധിച്ച് വടുതല സെക്ഷന് ഓഫീസില് പരാതി നല്കിയാലും അധികൃതര് നടപടി സ്വീകരിക്കാത്ത സ്ഥിതിയാണെന്ന് പ്രദേശവാസികള് കുറ്റപ്പെടുത്തി.
ദ്വീപില് വൈദ്യുതി ബോര്ഡിന്റെ ഓഫീസ് ഉണ്ടെങ്കിലും സബ് എന്ജിനിയര് ഇല്ലാത്ത സ്ഥിതിയാണ്. രാത്രി കാലങ്ങളില് ജീവനക്കാരുടെ സേവനവും ലഭ്യമല്ല. എറണാകുളം ജില്ലയിലെ പൂത്തോട്ടയില് നിന്നാണ് ദ്വീപിലേക്ക് വൈദ്യുതി എത്തുന്നത്.
തകരാര് പരിഹരിക്കുന്നതിനും മറ്റും വടുതലയിലെ ഓഫീസിലാണ് പരാതി നല്കേണ്ടത്. വൈദ്യുതി മുടക്കം പരിഹരിക്കാന് നടപടി സ്വീകരിക്കണമെന്ന് നാട്ടുകാര് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: