കോട്ടയം: ഇന്ത്യന് ഇന്സ്റ്റിറ്റ്യൂട്ട് ഓഫ് മാസ് കമ്മ്യൂണിക്കേഷന്റെ ദക്ഷിണേന്ത്യന് ക്യാമ്പസായ കോട്ടയത്ത് മലയാളം ജേര്ണലിസത്തിന്റെ പി.ജി ഡിപ്ലോമ കോഴ്സ് ആഗസ്റ്റ് ഒന്നാംതീയതി തുടങ്ങുന്നതിനുള്ള ഒരുക്കങ്ങള് പൂര്ത്തിയായതായി സ്പെഷ്യല് ഓഫീസര് കെ. രാമകൃഷ്ണന് അറിയിച്ചു.
മലയാള പത്രപ്രവര്ത്തനത്തിന് പുത്തനുണര്വ്വ് നല്കുകയും വളര്ന്നുവരുന്ന പ്രാദേശിക മാധ്യമങ്ങള്ക്ക് സമര്ത്ഥരായ പത്രപ്രവര്ത്തകരെ വാര്ത്തെടുക്കുകയെന്നതുമാണ് ഈ കോഴ്സിന്റെ ഉദ്ദേശ്യമെന്ന് ഐഐഎംസി ഡയറക്ടര് ജനറല് കെ.ജി സുരേഷ് പറഞ്ഞു.
പ്രധാനപ്പെട്ട പത്രപ്രവര്ത്തന വിഷയങ്ങളായ റിപ്പോര്ട്ടിംഗ്, എഡിറ്റിംഗ്, പത്രധര്മ്മ നിയമങ്ങള് എന്നിവ കൂടാതെ പുതിയ കോഴ്സില് മലയാള ഭാഷയുടെയും മാധ്യമത്തിന്റെയും ചരിത്രം കൂടെയുണ്ടാകും.
ഈ കോഴ്സിന്റെ രാജ്യവ്യാപകമായ പ്രവേശന പരീക്ഷ 27നും അപേക്ഷകള് ഓണ്ലൈന് ആയി സമര്പ്പിക്കുന്നതിനുള്ള അവസാന തീയതി 14ും ആണ്. വിദ്യാര്ത്ഥികള് അപേക്ഷ സമര്പ്പിക്കേണ്ടത് ംംം.ശശാര.ഴീ്.ശി എന്ന വെബ്സൈറ്റ് മുഖേനയാണ്. മലയാളം ജേര്ണലിസത്തിന്റെ പ്രവേശന പരീക്ഷാകേന്ദ്രം കൊച്ചിയിലും തെരഞ്ഞെടുത്ത വിദ്യാര്ത്ഥികളുടെ അഭിമുഖ പരീക്ഷ കോട്ടയത്തുമാണ് നടത്തുക. മലയാള ജേര്ണലിസത്തിനു തുടക്കത്തില് 15 സീറ്റാണ് അനുവദിച്ചിട്ടുള്ളത്. ഐഐ എംസിയുടെ കോട്ടയം ക്യാമ്പസ് എം.ജി യൂണിവേഴ്സിറ്റി പരിസരത്താണ് ഇപ്പോള് പ്രവര്ത്തിക്കുന്നത്.
കേന്ദ്ര സര്ക്കാരിന്റെ നയപ്രകാരമുള്ള സംവരണ സീറ്റുകള് ലഭ്യമാണ്. നിലവില് കോട്ടയം ക്യാമ്പസില് ഇംഗ്ലീഷ് ജേര്ണലിസം പിജി ഡിപ്ലോമ കോഴ്സ് നടത്തുന്നുണ്ട്.
ഐഐഎംസിയുടെ സ്വന്തം അധ്യാപകര്ക്ക് പുറമേ പ്രമുഖരായ മാധ്യമ അധ്യാപകരും, മലയാളഭാഷാ അധ്യപകരും മുതിര്ന്ന പത്രപ്രവര്ത്തകരും വിദ്യാര്ത്ഥികള്ക്ക് പരിശീലനം നല്കും. ഐഐഎംസി കേന്ദ്ര സര്ക്കാരിന്റെ വാര്ത്താ വിതരണ മന്ത്രാലയത്തിന്റെ കീഴിലുള്ള സ്വയംഭരണ സ്ഥാപനമാണ്. കൂടുതല് വിവരങ്ങള്ക്ക് സ്പെഷ്യല്ഓഫീസര് ഐഐഎംസി കോട്ടയവുമായി ബന്ധപ്പെടണം.
പ്രതികരിക്കാൻ ഇവിടെ എഴുതുക: