തിരുവനന്തപുരം: എസ്എസ്എല്സി പരീക്ഷയില് തലസ്ഥാന ജില്ലക്ക് 96.39 ശതമാനം വിജയം. ജില്ലയില് 38,851 പേര് പരീക്ഷ എഴുതിയതില് 37,448 പേര് ഉപരിപഠനത്തിന് അര്ഹരായി. 97 സ്കൂളുകള്ക്കാണ് ഇത്തവണ നൂറുമേനി വിജയം നേടാനായത്. സര്ക്കാര് സ്കൂളുകളില് 47 ഉം എയ്ഡഡ് സ്കൂളുകളില് 14 ഉം അണ്എയ്ഡ് സ്കൂളുകളില് 35 ഉം രണ്ട്് സ്പെഷ്യല് സ്കൂളുമാണ് നൂറുമേനി വിജയം കരസ്ഥമാക്കിയത്. സ്പെഷ്യല് സ്കൂള് വിഭാഗത്തില് ജഗതി ഗവ. വിഎച്ച്എസ്എസ് ആന്ഡ് ടിഎച്ച്എസ് എസ് ഫോര് ദി ഡഫ് സ്കൂളും ജഗതി ഗവ.ബ്ളൈന്ഡ് സ്കൂളും ഇക്കൊല്ലവും നൂറുമേനി വിജയം ഉറപ്പാക്കി.
കഴിഞ്ഞ വര്ഷം 96.62 ആയിരുന്നു വിജയശതമാനം. 0.24 ശതമാനത്തിന്റെ കുറവാണ് ഈ വര്ഷം വിജയശതമാനത്തിലുണ്ടായിട്ടുള്ളത്. ജില്ലയില് പട്ടം സെന്റ് മേരീസ് ഹയര്സെക്കന്ററി സ്കൂളിലാണ് സ്കൂളുകളില് ഏറ്റവും കൂടുതല് കുട്ടികള് പരീക്ഷയെഴുതിയത്. 1645 വിദ്യാര്ഥികള് പരീക്ഷ എഴുതിയതില് 1628 കുട്ടികള് വിജയിച്ചു. 98.97 ശതമാനം വിജയം സ്കൂള് നേടിയത്. 90 പേര് മുഴുവന് വിഷയങ്ങള്ക്കും എ പ്ലസ് കരസ്ഥമാക്കുകയും ചെയ്തു.
ജില്ലയില് ആകെ 2151 പേരാണ് എല്ലാ വിഷയത്തിനും എ പ്ലസ് നേടിയത്. തിരുവനന്തപുരം വിദ്യാഭ്യാസ ജില്ലയില് 642 ഉം നെയ്യാറ്റിന്കര വിദ്യാഭ്യാസ ജില്ലയില് 712 ഉം ആറ്റിങ്ങല് വിദ്യാഭ്യാസ ജില്ലയില് 797ഉം പേര് മുഴുവന് വിഷയങ്ങള്ക്കും എ പ്ലസിന് അര്ഹരായി.
തിരുവനന്തപുരം വിദ്യാഭ്യാസ ജില്ലയില് 12089 പേര് പരിക്ഷ എഴുതിയതില് 11772 പേര് വിജയിച്ചു. ആറ്റിങ്ങല് വിദ്യാഭ്യാസ ജില്ലയില് 14300 പേര് പരീക്ഷയെഴുതിയതില് 13554 പേര് ഉപരിപഠനത്തിന് അര്ഹരായി. നെയ്യാറ്റിന്കര വിദ്യാഭ്യാസ ജില്ലയില് 12462 പേരില് 12122 പേരാണ് വിജയിച്ചത്.
തിരുവനന്തപുരം വിദ്യാഭ്യാസ ജില്ലയില് വിവിധ വിഷയങ്ങള്ക്ക് എ പ്ലസ് നേടിയവരുടെ എണ്ണം: ഒന്നാം ഭാഷ – പേപ്പര് ഒന്ന് (4824),ഒന്നാം ഭാഷ പേപ്പര് രണ്ട് (7591), ഇംഗ്ലീഷ് (5421), മൂന്നാം ഭാഷ (4133), സോഷ്യല് സയന്സ്(2474), ഫിസ്ക്സ്(4093), കെമിസ്ട്രി (2497), ബയോളജി(3720), ഗണിതശാസ്ത്രം (880), വിവരസാങ്കേതികവിദ്യ(6246)
ആറ്റിങ്ങല് വിദ്യാഭ്യാസ ജില്ല: ഒന്നാം ഭാഷ – പേപ്പര് ഒന്ന് (6476),ഒന്നാം ഭാഷ പേപ്പര് രണ്ട് (9285), ഇംഗ്ലീഷ് (5025), മൂന്നാം ഭാഷ (4791), സോഷ്യല് സയന്സ്(3382), ഫിസിക്സ്(5638), കെമിസ്ട്രി (3550), ബയോളജി(5068), ഗണിതശാസ്ത്രം (1037), വിവരസാങ്കേതികവിദ്യ(6017)
നെയ്യാറ്റിന്കര വിദ്യാഭ്യാസ ജില്ല: ഒന്നാം ഭാഷ – പേപ്പര് ഒന്ന് (5920),ഒന്നാം ഭാഷ പേപ്പര് രണ്ട് (8787), ഇംഗ്ലീഷ് (5073), മൂന്നാം ഭാഷ (4369), സോഷ്യല് സയന്സ്(2916), ഫിസ്ക്സ്(5080), കെമിസ്ട്രി (3373), ബയോളജി(4709), ഗണിതശാസ്ത്രം (1007), വിവരസാങ്കേതികവിദ്യ (7032).
പ്രതികരിക്കാൻ ഇവിടെ എഴുതുക: