പുതുക്കാട്: വാഹന യാത്രികരെ ദുരിതത്തിലാഴ്ത്തി അറ്റക്കുറ്റപ്പണികള് നടക്കുന്ന ദേശീയപാതയില് ഗതാഗതക്കുരുക്ക് രൂക്ഷം.
പാലിയേക്കര ടോള് പ്ലാസ മുതല് പുതുക്കാട് വരെ വാഹനങ്ങളുടെ നിര നീണ്ടു. ടോള് കമ്പനി ദേശീയപാതയില് ടാറിംഗ് നടത്തുന്നതാണ് ഗതാഗതക്കുരുക്ക് രൂക്ഷമാകാന് കാരണം.
തൃശൂര് ഭാഗത്തേക്ക് പോകുന്ന പാതയിലാണ് വ്യാഴാഴ്ച വൈകീട്ട് മുതല് തിരക്ക് അനുഭവപ്പെട്ടത്. ദേശീയപാതയില് രണ്ട് കിലോമീറ്ററോളം വാഹനങ്ങളുടെ നീണ്ട നിര വന്നിട്ടും കമ്പനി ടോള് വാങ്ങിയാണ് വാഹനങ്ങളെ കടത്തിവിട്ടത്.
തിരക്ക് നിയന്ത്രിക്കാന് പോലീസ് ഇടപെടാതിരുന്നതും യാത്രക്കാരുടെ പ്രതിഷേധത്തിന് ഇടവരുത്തി.
മണിക്കൂറുകളോളം വാഹനങ്ങള് നിരന്ന് കിടന്നിട്ടും കമ്പനി അധികൃതര് യാതൊരു നടപടിയും സ്വീകരിച്ചില്ല.
തൃശൂര് പൂരം പ്രമാണിച്ച് സാധാരണ ദിവസങ്ങളേക്കാള് കൂടുതല് തിരക്കാണ് വ്യാഴാഴ്ച ദേശീയപാതയില് അനുഭവപ്പെട്ടത്.
രാത്രികളില് നടത്തിയിരുന്ന ടാറിംഗ് തിരക്കേറിയ സമയത്ത് നടത്തിയത് യാത്രക്കാരെ ദുരിതത്തിലാക്കിയിരിക്കുകയാണ്.
പ്രതികരിക്കാൻ ഇവിടെ എഴുതുക: