കണ്ണൂര്: സംസ്ഥാന പഞ്ചഗുസ്തി മല്സരത്തില് വനിതാ വിഭാഗത്തില് എറണാകുളം ജില്ല ജേതാക്കളായി. 80 പോയന്റ് നേടിയാണ് നിലവിലെ ജേതാക്കളായ എറണാകുളം വീണ്ടും കിരിടം ചൂടിയത്. 68 പോയന്റ് നേടിയ കോഴിക്കോടിനാണ് രണ്ടാം സ്ഥാനം.
14 ജില്ലകളില് നിന്നും റബര് ബോര്ഡ്, സ്പൈസസ്, എം പി ഡി എ എന്നിവിടങ്ങളില് നിന്നുമായി പുരുഷ- വനിതാ വിഭാഗങ്ങളിലായി 484 പേരാണ് കൈ കരുത്ത് പ്രകടിപ്പിക്കാനായി ഗോദയിലിറങ്ങിയത്. ആദ്യമായാണ് കൂടുതല് പേര് മല്സര വേദിയില് കരുത്ത് തെളിയിക്കാനെത്തുന്നത്.
സംസ്ഥാന ആം റസ്ലിംഗ് ആസോസിയേഷന്റെയും കണ്ണൂര് ജില്ലാ ആം റസ്ലിംഗ് അസോസിയേഷന്റെയും സംയുക്താഭിമുഖ്യത്തില് ജൂബിലി ഹാളിലാണ് മല്സരങ്ങള് അരങ്ങേറിയത്. മല്സരങ്ങള് തുറമുഖ വകുപ്പ് മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്തു. അഡ്വ. ടി.ഒ മോഹനന് അദ്ധ്യക്ഷത വഹിച്ചു.
ജില്ലാ സ്പോര്ട്സ് കൗണ്സില് പ്രസിഡണ്ട് ഒ കെ വിനീഷ്, വി പി പവിത്രന് മാസ്റ്റര്, പ്രൊഫ.പി കെ ജഗന്നാഥന്. കൂക്കിരി രാജേഷ്, പി കെ പ്രേമരാജന് എന്നിവര് സംസാരിച്ചു. ആം റസ്ലിംഗ് അസോസിയേഷന് ജില്ലാ പ്രസിഡണ്ട് കെ പ്രമോദ് സ്വാഗതവും സെക്രട്ടറി കെ വി മനോഹരന് നന്ദിയും പറഞ്ഞു.
സാമൂഹ്യ സാംസ്കാരിക രംഗത്തെ നിസ്വാര്ത്ഥമായ സേവനത്തിന് പി .കെ .പ്രേമരാജന്, പഞ്ച ഗുസ്തി അസോസിയേഷന് സ്പോര്ട്സ് കൗണ്സില് അംഗീകാരം നേടിയെടുത്തതിനും കേരളത്തില് പഞ്ച ഗുസ്തി ജനകീയമാക്കിയതിനും ജോജി ഏലൂര്, കേരളത്തിലെ ഏക അന്തര്ദ്ദേശീയ പഞ്ച ഗുസ്തി റഫറി എന്ന നിലയില് എം.ഡി.റാഫേല്, കണ്ണൂരില് ആദ്യമായി സംസ്ഥാന പഞ്ചഗുസ്തി മല്സരങ്ങള് നടത്താന് നേതൃത്വം നല്കിയതിന് കെ.പ്രമോദ് എന്നിവരെ ചടങ്ങില് ആദരിച്ചു.
പ്രതികരിക്കാൻ ഇവിടെ എഴുതുക: