വിഴിഞ്ഞം: കോട്ടുകാല് പഞ്ചായത്തില് അടിയന്തരമായി പൊതു ശ്മശാനം നിര്മ്മിക്കണമെന്ന് ആവശ്യപ്പെട്ട് ഹിന്ദു ഐക്യവേദി പഞ്ചായത്ത് സെക്രട്ടറിക്ക് നിവേദനം നല്കി. സ്വന്തമായി വസ്തുവോ കിടപ്പാടമോ ഇല്ലാത്ത ഒട്ടനവധി സാധാരണക്കാര് പഞ്ചായത്തിലുണ്ട്. എസ്സി, എസ്റ്റി വിഭാഗത്തില്പെട്ടവര് ഉള്പ്പെടെയുള്ള ഒട്ടനവധി സാധാരണക്കാര്ക്ക് വീട് പൊളിച്ച് മൃതദേഹം അടക്കം ചെയ്യേണ്ട സാഹചര്യം വിവിധ ഭാഗങ്ങളില് നിലവിലുണ്ട്. ശവശരീരങ്ങള് ആചാരപൂര്വ്വം അടക്കം ചെയ്യാന് സാധിക്കാതെ വരുന്ന അവസ്ഥയാണ് ഉള്ളത്. ഇക്കാര്യം പരിഗണിക്കാനുള്ള അടിയന്തര നടപടികള് പഞ്ചായത്ത് ഭരണസമിതി കൈക്കൊള്ളണമെന്ന് ഹിന്ദു ഐക്യവേദി നിവേദത്തില് ആവശ്യപ്പെട്ടു. ഇതിനായി സര്ക്കാര് പുറമ്പോക്ക് ഭൂമി കണ്ടെത്തണം. പഞ്ചായത്തില് നിന്ന് ഇത്തരം പ്രോജക്ടിന് ആവശ്യമായ പണം കണ്ടെത്താന് സാധിക്കുന്നില്ലെങ്കില് കേന്ദ്രഫണ്ട് പ്രയോജനപ്പെടുത്താന് തയ്യാറാകണം. നടപടികള് കാലതാമസം നേരിട്ടാല് ശക്തമായ സമരപരിപാടികള് ആരംഭിക്കുമെന്ന് ഹിന്ദു ഐക്യവേദി മുന്നറിയിപ്പ് നല്കി.
പ്രതികരിക്കാൻ ഇവിടെ എഴുതുക: