കോട്ടയം: ജന്മഭൂമിയുടെ പ്രഥമ ചലച്ചിത്ര പുരസ്കാര നിര്ണ്ണയ സമിതി ചെയര്മാനായി പ്രശസ്ത സംവിധായകന് വിജി തമ്പിയെ തെരഞ്ഞെടുത്തു. സംവിധായകന് ഷാജി കൈലാസ്, നടിമാരായ ജലജ, മേനക, ജന്മഭൂമി ഡയറക്ടര് ടി. ജയചന്ദ്രന് എന്നിവരാണ് ജൂറി അംഗങ്ങള്.
ജന്മഭൂമി പത്രത്തിലൂടെ നടത്തിയ അഭിപ്രായ വോട്ടെടുപ്പു കൂടി വിലയിരുത്തിയാണ് ജൂറി അവാര്ഡ് നിര്ണ്ണയിക്കുക. കഴിഞ്ഞ വര്ഷം പുറത്തിറങ്ങിയ മലയാള ചലച്ചിത്രങ്ങളിലെ മികച്ച പ്രകടനങ്ങളാണ് പുരസ്കാരത്തിന് പരിഗണിച്ചത്. അഭിപ്രായ വോട്ടെടുപ്പിന് വന് പ്രതികരണമാണ് ലഭിച്ചത്.
മികച്ച സിനിമ, സംവിധായകന്, ജനപ്രിയ സിനിമ, ജനപ്രിയ സംവിധായകന്, നടന്, നടി, സഹനടന്, സഹനടി, തിരക്കഥാകൃത്ത്, ഗാനരചയിതാവ്, സംഗീത സംവിധായകന്, ഗായകന്, ഗായിക, ക്യാമറാമാന്, ബാലതാരം എന്നിങ്ങനെ പതിനഞ്ചു പുരസ്കാരങ്ങളാണ് നല്കുക. മെയ് 28ന് കോട്ടയത്ത് സംഘടിപ്പിക്കുന്ന ‘ലെജന്ഡ്സ് ഓഫ് കേരള’ അവാര്ഡ് നൈറ്റില് പുരസ്കാരങ്ങള് സമ്മാനിക്കും.
പ്രതികരിക്കാൻ ഇവിടെ എഴുതുക: