തിരുവനന്തപുരം: സംഗീതരംഗത്തെ യുവപ്രതിഭകളെ കണ്ടെത്തുന്നതിനും പ്രോത്സാഹിപ്പിക്കുന്നതിനും ആകാശവാണി അഖിലേന്ത്യാഅടിസ്ഥാനത്തില് സംഘടിപ്പിക്കുന്ന സംഗീതമത്സരം ആഗസ്റ്റില് നടത്തും. 2017 ജൂണ് 30ന് 16 വയസ്സു പൂര്ത്തിയായവരും 24 വയസ്സുകഴിയാത്തവരുമായിരിക്കണം മത്സരാര്ത്ഥികള്. ആകാശവാണിയുടെ ഏതെങ്കിലും നിലയത്തില് നിന്ന് സംഗീതത്തിന് നിലവില് ഓഡീഷന് വിജയിച്ചവരോ ഗ്രേഡ് കിട്ടിയവരോ മത്സരത്തില് പങ്കെടുക്കാന് പാടില്ല.
ആകാശവാണി നിലയങ്ങളില് നിന്ന് അപേക്ഷാഫോറം ലഭിക്കും. അപേക്ഷയോടൊപ്പം വയസ്സ് തെളിയിക്കുന്ന സാക്ഷ്യപത്രംകൂടി അയയ്ക്കണം. ഏതെങ്കിലുംഅംഗീകൃത വിദ്യാഭ്യാസസ്ഥാപനത്തിലെ ഹെഡ്മാസ്റ്ററോ പ്രിന്സിപ്പലോ നല്കുന്നതോഅല്ലെങ്കില് മജിസ്ട്രേറ്റ് സാക്ഷ്യപ്പെടുത്തിയിട്ടുള്ള സാക്ഷ്യപത്രമോ സമര്പ്പിക്കണം. കൂടാതെ, സ്റ്റേഷന് ഡയറക്ടര്, ആകാശവാണി, തിരുവനന്തപുരം-14, എന്ന വിലാസത്തിലേക്ക് 500 രൂപയുടെഡിമാന്റ് ഡ്രാഫ്റ്റ്കൂടി അപേക്ഷയോടൊപ്പംസമര്പ്പിക്കണം. ഡിമാന്റ് ഡ്രാഫ്റ്റിന്റെ നമ്പര് അപേക്ഷയില് രേഖപ്പെടുത്തണം.
പൂരിപ്പിച്ച അപേക്ഷകള് 2017 ജൂണ് 9 ന് മുമ്പായി നിലയത്തില് ലഭിക്കണം. വിലാസം: സ്റ്റേഷന്ഡയറക്ടര്, (ആകാശവാണിഅഖിലേന്ത്യാസംഗീതമത്സരം), ആകാശവാണി, വഴുതയ്ക്കാട്, തിരുവനന്തപുരം 695 014.
പ്രതികരിക്കാൻ ഇവിടെ എഴുതുക: