കണ്ണൂര്: ദമ്പതികളെ വീട്ടില്പൂട്ടിയിട്ട് സ്വര്ണവും പണവും കവര്ന്നു. കക്കാട് പഴയ പുഴാതി സര്വ്വീസ് സഹകരണ ബേങ്ക് കെട്ടിടത്തിന് സമീപത്തെ ഓട്ടോ ഡ്രൈവറായ ഷാജിമോന്റെ വീട്ടിലാണ് കഴിഞ്ഞ ദിവസം കവര്ച്ച നടന്നത്. അഞ്ച് പവന് സ്വര്ണ്ണാഭരണങ്ങളും അയ്യായിരത്തോളം രൂപയുമാണ് മോഷണം പോയത്. പുലര്ച്ചെ രണ്ടരയോടെയായിരുന്നു കവര്ച്ച നടന്നത്. ദമ്പതികള് ഉറങ്ങിക്കിടക്കുന്ന മുറി പുറത്തുനിന്നും പൂട്ടിയ ശേഷം തൊട്ടടുത്ത മുറിയിലെ അലമാരയില് നിന്നാണ് സ്വര്ണ്ണവും പണവും മോഷ്ടിച്ചത്. ടൗണ്പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: