കണ്ണൂര്: സമദൃഷ്ടി ക്ഷമതാ വികാസ് മണ്ഡലിന്റെ (സക്ഷമ) ആഭിമുഖ്യത്തില് സൂര്ദാസ് അനുസ്മരണ സഭ ഇന്ന്് വൈകുന്നേരം 5.30 ന് കണ്ണൂര് ടൗണ് സ്ക്വയറില് നടക്കും. ജില്ലാ കളക്ടര് മീര് മുഹമ്മദ് അലി പരിപാടി ഉദ്ഘാടനം ചെയ്യും. രാഷ്ട്രീയ സ്വയംസേവക സംഘം പ്രാന്ത സഹസംഘചാലക് അഡ്വക്കറ്റ് കെ.കെ.ബാലറാം സൂര്ദാസ് അനുസ്മരണ പ്രഭാഷണം നടത്തും. പരിപാടിയുടെ ഭാഗമായി ലോകപ്രശസ്ത സംഗീതജ്ഞ വൈക്കം വിജയലക്ഷ്മി അവതരിപ്പിക്കുന്ന സംഗീതസന്ധ്യ അരങ്ങേറും. ചടങ്ങില് വിവിധ മേഖലകളില് വ്യക്തിമുദ്ര പതിപ്പിച്ച ഡോ.വൈക്കം വിജയലക്ഷ്മി, സി.വി.നാരായണന് (മാതൃകാ അന്ധവിദ്യാലയം ധര്മ്മശാല), രവീന്ദ്രന് (ആശ്രയ സ്വാശ്രയ കേന്ദ്രം, മാതമംഗലം), പി.വിനോദ് (അധ്യാപകന്, കാസര്കോട് അന്ധവിദ്യാലയം), ശമീമ ടീച്ചര് (സെക്രട്ടറി, അത്താണി ഹോം ഫോര് വിഡോസ് ആന്റ് ഓര്ഫന്സ്, ആയിക്കര, കണ്ണൂര്), എന്നിവരെ ആദരിക്കും. സക്ഷമ ദേശീയ തലത്തില് നടത്തിവരുന്ന കോര്ണിയ അന്ധത്വമുക്ത ഭാരത് അഭിയാന് (കാമ്പ) പദ്ധതിയുടെ പ്രചാരണാര്ത്ഥം ആയിരം പേരുടെ നേത്രദാന സമ്മതപത്രം കാമ്പ കോ-ഓഡിനേറ്റര് പി.അരവിന്ദാക്ഷന് ഏറ്റുവാങ്ങും. കനറാ ബാങ്ക് കണ്ണൂര് റീജിയണല് അസിസ്റ്റന്റ് ജനറല് മാനേജര് വി.കെ.ശ്രീകാന്ത് ഭിന്നശേഷിക്കാര്ക്കുള്ള ഉപകരണം വിതരണം ചെയ്യും.
പ്രതികരിക്കാൻ ഇവിടെ എഴുതുക: