ന്യൂദല്ഹി: 1998 ലെ പൊഖ്റാന് ആണവ പരീക്ഷണ വാര്ഷികത്തിന്റെ സ്മരണാര്ത്ഥം മുന് പ്രധാനമന്ത്രി അടല് ബിഹാരി വാജ്പേയിയുടെ ധൈര്യത്തെ പ്രകീര്ത്തിച്ച് പ്രധാനമന്ത്രി. തന്റെ ഔദ്യോഗിക ട്വിറ്ററിലൂടെയാണ് മോദി അദ്ദേഹത്തെ പ്രശംസിച്ചത്.
‘ആദ്യഘട്ട പരീക്ഷണങ്ങള്ക്ക് ശേഷം ലോകരാജ്യങ്ങള് ഇന്ത്യയ്ക്ക് മേല് ഉപരോധം ഏര്പ്പെടുത്തി. എന്നാല് മെയ് 13ന് അടല് ജി വീണ്ടും പരീക്ഷണങ്ങള് നടത്തി. ഒരു ദുര്ബലനായ പ്രധാനമന്ത്രിയായിരുന്നെങ്കില് വീണ്ടും പരീക്ഷണം നടത്താന് ഭയപ്പെട്ടേനെ’യെന്നും മോദി ട്വിറ്ററിൽ കുറിച്ചു.
എല്ലാവര്ക്കും, വിശേഷിച്ചും ഞങ്ങളുടെ ഊര്ജ സ്വലരായ ശാസ്ത്രജ്ഞര്ക്കും സാങ്കേതിക അത്യാവേശമുള്ളവര്ക്കും ആശംസകള് നേരുന്നുവെന്ന് പ്രധാനമന്ത്രി ട്വീറ്റ് ചെയ്തു. പൊഖ്റാനില് ആണവ പരീക്ഷണം നടത്താന് ധൈര്യം കാണിച്ച ശാസ്ത്രജ്ഞന്മാര്ക്കും അന്നത്തെ രാഷ്ട്രീയ നേതൃത്വത്തിനും നന്ദി പറയുന്നുവെന്നും പ്രധാനമന്ത്രി ട്വിറ്ററില് കുറിച്ചു.
We remain grateful to our scientists & the then political leadership for the courage shown in Pokhran in 1998. https://t.co/l2QMStppQ1
— Narendra Modi (@narendramodi) May 11, 2017
പ്രതികരിക്കാൻ ഇവിടെ എഴുതുക: