കണ്ണൂര്: കേരള എന്ജിഒ യൂണിയന് 54-ാം സംസ്ഥാന സമ്മേളനത്തിന് കണ്ണൂരില് തുടക്കമായി. സംസ്ഥാന പ്രസിഡന്റ് ഇ. പ്രേം കമാര് സമ്മേളന നഗരിയായ ദിനേശ് ഓഡിറ്റോറയത്തിനു മുന്നില് പാതാക ഉയര്ത്തിയതോടെയാണ് സമ്മേളനം ആരംഭിച്ചത്. തുടര്ന്ന മുഖ്യമന്ത്രി പിണറായി വിജയന് ഉദ്ഘാടനം ചെയ്തു. സംസ്ഥാന പ്രസിഡന്റ് ഇ. പ്രേം കുമാര് അധ്യക്ഷത വഹിച്ചു. പി.കെ. ശ്രീമതി എംപി, സിപിഎം ജില്ലാ സെക്രട്ടറി പി. ജയരാജന്, യൂണിയന് സംസ്ഥാന ജനറല് സെക്രട്ടറി ടി.സി.മാത്തുക്കുട്ടി. വിവിധ സര്വീസ് സംഘടനാ നേതാക്കളായ എ. ശ്രീകുമാര്, കെ.സി. ഹരികൃഷ്ണന്, പി.വി. രാജേന്ദ്രന് എന്നിവര് പ്രസംഗിച്ചു.
ഇന്നു രാവിലെ ഒന്പതിനു പ്രതിനിധി സമ്മേളനത്തില് ഇടതുപക്ഷ സര്ക്കാര്പിന്നിട്ട ഒരു വര്ഷം എന്ന വിഷയത്തില് സെമിനാര് നടക്കും. മന്ത്രി തോമസ് ഐസക് ഉദ്ഘാടനം ചെയ്യും. തുടര്ന്നു പൊതുജനാരോഗ്യരംഗം വെല്ലുവിളികളും പരിഹാരവും എന്ന വിഷയത്തില് നടക്കുന്ന സെമിനാര് മന്ത്രി കെ.കെ. ശൈലജ ഉദ്ഘാടനം ചെയ്യും. ഉച്ചകഴിഞ്ഞു രണ്ടിന് സുഹൃദ് സമ്മേളനം ഇ.പി. ജയരാജന് എംഎല്എ ഉദ്ഘാടനം ചെയ്യും. നാളെ രാവിലെ 11ന് കേരള വികസനവും സിവില് സര്വീസും എന്ന വിഷയത്തില് നടക്കുന്ന സെമിനാറില് മുന് ചീഫ് സെക്രട്ടറി എസ്. എം. വിജയാനന്ദ് വിഷയം അവതരിപ്പിക്കും. ഉച്ചകഴിഞ്ഞു 2.30ന് യാത്രയയപ്പ് സമ്മേളനം. വൈകുന്നേരം നാലിനു നഗരത്തില് പ്രകടനവും തുടര്ന്നു ടൗണ് സ്ക്വയറില് പൊതു സമ്മേളനവും നടക്കും. പൊതുസമ്മേളനം വൃന്ദാകാരാട്ട് ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: