ലണ്ടന്: ഇന്ത്യയടക്കം 99ഓളം രാജ്യങ്ങളിലെ കമ്പ്യൂട്ടര് ശൃംഖലകളെ പ്രതികൂലമായി ബാധിച്ച സൈബര് ആക്രമണത്തിന് പിന്നാലെ, തിങ്കളാഴ്ച വീണ്ടും ആക്രമണം ഉണ്ടായേക്കാമെന്ന് മുന്നറിയിപ്പ്. വെള്ളിയാഴ്ച ലോകവ്യാപകമായി ഉണ്ടായ ആക്രമണത്തെ ചെറുക്കാന് സഹായിച്ച ‘മാല്വെയര് ടെക്’ എന്നറിയപ്പെടുന്ന ബ്രിട്ടീഷ് കമ്പ്യൂട്ടര് സുരക്ഷാ ഗവേഷകനാണ് ഈ മുന്നറിയിപ്പ് നല്കിയിരിക്കുന്നത്.
”കഴിഞ്ഞ തവണത്തെ ആക്രമണം ഞങ്ങള്ക്ക് തടയാന് കഴിഞ്ഞു. എന്നാല് പുതിയ ഒരു ആക്രമണം ഉണ്ടായാല്, തടയാന് കഴിയണമെന്നില്ല. കോഡുകള് മാറ്റി പുതിയ ആക്രമണം നടത്താന് വലിയ അദ്ധ്വാനവും അവര്ക്ക് ആവശ്യമില്ല. അതിനാല് വീണ്ടുമൊരു ആക്രമണം ഉണ്ടാകാന് സാദ്ധ്യതയേറെയാണ്. ഒരുപക്ഷെ തിങ്കളാഴ്ച രാവിലെ തന്നെ അതുണ്ടായേക്കാം” മാല്വെയര് ടെക് അറിയിച്ചു.
യഥാര്ത്ഥ പേര് വെളിപ്പെടുത്തിയിട്ടില്ലാത്ത 22 വയസുകാരനാണ് മാല്വെയര്ടെക്. ഇദ്ദേഹവും അമേരിക്കയില് നിന്നുള്ള 20 എഞ്ചിനീയര്മാരും ചേര്ന്ന സൈബര് ഗ്രൂപ്പാണ് ‘കില് സ്വിച്ച്’ എന്ന പ്രോഗ്രാമിലൂടെ ‘വാനക്രൈ’ എന്ന റാന്സംവെയര് വിഭാഗത്തിലുള്ള സൈബര് ആക്രമണം തടഞ്ഞത്. (കമ്പ്യൂട്ടറുകളെ ബന്ദിയാക്കി മോചനദ്രവ്യം ആവശ്യപ്പെടുന്ന മാല്വെയറാണ് റാന്സംവെയര് എന്നറിയപ്പെടുന്നത്)
പ്രതികരിക്കാൻ ഇവിടെ എഴുതുക: