തൃശൂര്: ഖാദിയില് നിന്ന് ഇനി ബ്രാന്റഡ് ജൈവ അരിയും വിപണിയിലെത്തുന്നു. നാടന് മട്ട ജൈവഅരിയുടെ ആദ്യ ഖാദി ബ്രാന്റായ ‘ജൈവവര്ഷ’യുടെ വിപണനോദ്ഘാടനം കൃഷിവകുപ്പ് മന്ത്രി വി.എസ്.സുനില്കുമാര് കല്യാണ് ജ്വല്ലേഴ്സ് ചെയര്മാന് ടി. എസ്. കല്ല്യാണരാമനു നല്കി നിര്വ്വഹിച്ചു.
ജൈവ ഭക്ഷ്യോത്പന്ന മേഖലയിലെ ഖാദി പ്രസ്ഥാനമായ ഭാരതീയ ഖാദി ഗ്രാമ വ്യവസായ സഹകരണസംഘത്തിന്റെ സ്വയം സഹായ വിഭാഗമായ ‘നിസര്ഗ’യാണ് കേരളത്തിന്റെ തനതുല്പന്നമായ നാടന് മട്ട ജൈവ അരിയെ ബ്രാന്റ് ചെയ്ത് ഭാരതമൊട്ടാകെ ലഭ്യമാക്കുന്നത്.
കേരളത്തിന്റെ നാനാഭാഗത്തുനിന്നുമുള്ള ജൈവനെല്കര്ഷകരില് നിന്നും അന്തര്ദേശീയ ഗുണമേന്മയും നിലവാരവും ഉറപ്പുവരുത്തി സംഭരിക്കുന്ന നാടന് മട്ട അരിയാണ് നിസര്ഗ ‘ജൈവവര്ഷ’ എന്ന പേരില് വിപണിയിലെത്തിക്കുന്നത്.
ഡല്ഹി ആസ്ഥാനമായുള്ള ജൈവഭക്ഷ്യോത്പന്ന രംഗത്തെ ആഗോള സംരഭകരായ എല്വേള്ഡ് ആഗ്രോ ഓര്ഗാനിക് ഫുഡ്സുമായി ചേര്ന്നാണ് ഇന്ത്യയൊട്ടാകെ ‘ജൈവവര്ഷ’ മാര്ക്കറ്റ് ചെയ്യുന്നത്. അധികം വൈകാതെ വിദേശങ്ങളിലെ പ്രമുഖ മാര്ക്കറ്റുകളിലും ജൈവമട്ടഅരി ലഭ്യമാകുമെന്ന് ഭാരതീയ ഖാദി ഗ്രാമവ്യവസായ സഹകരണസംഘം ചെയര്മാന് കെ. കേശവദാസ് അറിയിച്ചു.
കേരളീയകര്ഷകരുടെ മറ്റ് ജൈവോത്പന്നങ്ങളും വൈകാതെ ഈ ശൃംഖലയുടെ ഭാഗമാകും.എല്വേള്ഡ് സംഭരിക്കുന്ന ഉത്തരേന്ത്യന് ഭക്ഷ്യോത്പന്നങ്ങളും അന്തര്ദേശീയ ജൈവോത്പന്നങ്ങളും നിസര്ഗയിലൂടെ കേരള വിപണിയിലും ലഭ്യമാകും.
എല് വേള്ഡ് ശൃംഖലയില് നിന്നും കേരളവിപണിയിലെത്തുന്ന ജൈവോത്പന്നങ്ങളുടെ വിപണനോദ്ഘാടനം പ്രശസ്ത സിനിമാതാരം സന്തോഷ് കെ. നായര് നിര്വ്വഹിച്ചു.
ചടങ്ങില് കേരളത്തിലെ പ്രശസ്ത ജൈവകര്ഷകരെ മന്ത്രി ആദരിച്ചു. എല് വേള്ഡും നിസര്ഗയുമായുള്ള വിപണിപങ്കാളിത്ത ധാരണാപത്രം എല് വേള്ഡ് ഓര്ഗാനിക്സ് എം.ഡി. എസ്. എന് ദ്വിവേദി സഹകരണസംഘം ഭാരവാഹികള്ക്കു കൈമാറി.
പ്രതികരിക്കാൻ ഇവിടെ എഴുതുക: