്ചങ്ങനാശേരി: വീട് പൂട്ടി പള്ളിയില് പോയ വീട്ടുകാര് മടങ്ങിയെത്തിയപ്പോള് സ്വര്ണ്ണവും വിലപിടിപ്പുള്ള വസ്തുക്കളും നഷ്ടപ്പെട്ടു. പൊന്പുഴ പോക്കത്ത് ചിറത്തലാട്ട് മനോജിന്റെ വീട്ടില് വാടകക്ക് താമസിക്കുന്ന മാടപ്പള്ളി പാറടയില് ബിനുവിന്റെ ആഭരണങ്ങളാണ് മോഷ്ടിക്കപ്പെട്ടത്. വീടിന്റെ വാതില് തകര്ത്ത് അകത്തുകയറിയ മോഷ്ടാവ് അലമാര കുത്തിത്തുറന്ന് 30 പവനോളം വരുന്ന സ്വര്ണ്ണാഭവണങ്ങളാണ് കവര്ന്നത്.
സെന്റ് ഗിറ്റ്സ് കോളേജില് അദ്ധ്യാപികയായ ഭാര്യയുടെ സൗകര്യാര്ത്ഥമാണ് ബിനു കുടുംബസമേതം പൊന്പുഴയില് താമസമാക്കിയത്. ഒരാഴ്ചയ്ക്ക് മുമ്പ് ബാങ്കില് നിന്ന് തിരച്ചെടുത്ത പണയ ഉരുപ്പടികളാണ് നഷ്ടപ്പെട്ടത്. ചിങ്ങവനം പോലീസ് സ്ഥലത്തെത്തി വിവരശേഖരണം നടത്തി.
പ്രതികരിക്കാൻ ഇവിടെ എഴുതുക: