കണ്ടക്ടര്‍ക്കും ഡ്രൈവര്‍ക്കും മന്ത്രിയുടെ ശമ്പളത്തില്‍ നിന്ന് പാരിതോഷികം

Wednesday 17 May 2017 8:22 am IST

ആലപ്പുഴ: അപസ്മാര രോഗം പ്രകടിപ്പിച്ച കുഞ്ഞിനെ രക്ഷിക്കാന്‍ സഹായിച്ച കെഎസ്ആര്‍ടിസി ബസ് കണ്ടക്ടര്‍ക്കും ഡ്രൈവര്‍ക്കും വകുപ്പ് മന്ത്രിയുടെ ശമ്പളത്തില്‍ നിന്നും 50,000 രൂപ പാരിതോഷികം പ്രഖ്യാപിച്ചു. ശനിയാഴ്ച രാത്രി 10 മണിയോടെ അങ്കമാലിയില്‍ നിന്നും ചങ്ങനാശ്ശേരിക്ക് പുറപ്പെട്ട കെഎസ്ആര്‍ടിസി ബസിലെ ജീവനക്കാര്‍ക്കാണ് പുരസ്‌ക്കാരം. ഈ ബസ്സില്‍ മൂവാറ്റുപുഴയില്‍ നിന്ന് മാതാപിതാക്കള്‍ക്കൊപ്പം കയറിയ നാല് വയസ്സുള്ള കുഞ്ഞ് അപസ്മാര ലക്ഷണം കാണിച്ചു. കുഞ്ഞിനെ ടാക്സി പിടിച്ച് ആശുപത്രിയില്‍ പോകുവാന്‍ മാര്‍ഗ്ഗമില്ലെന്ന് വ്യക്തമായതോടെ ആശുപത്രിയില്‍ എത്തിക്കുന്നതിനും മറ്റും മാതൃകാപ്രവര്‍ത്തനം നടത്തിയ ചങ്ങനാശ്ശേരി ഡിപ്പോയിലെ കണ്ടക്ടര്‍ ബിനു അപ്പുക്കുട്ടന്‍, ഡ്രൈവര്‍ കെ.വി. വിനോദ് കുമാര്‍ എന്നിവര്‍ക്കാണ് തന്റെ ആദ്യ ശമ്പളത്തില്‍ നിന്ന് 25,000 രൂപാ വീതം നല്‍കാന്‍ തീരുമാനിച്ചതെന്ന് തോമസ് ചാണ്ടി അറിയിച്ചു. ഇവരെ മന്ത്രി നേരിട്ട് വിളിച്ച് അഭിനന്ദിക്കുകയും ചെയ്തു. ഇത് സമൂഹത്തിനാകെ മാതൃകയാകണം, ഓരോ കെഎസ്ആര്‍ടിസി ജീവനക്കാരനും ഇതുപോലെ തങ്ങളുടെ യാത്രക്കാരോട് പെരുമാറുവാന്‍ പ്രേരണയായി ഇത് മാറണം. ഗതാഗത വകുപ്പ് ജനങ്ങള്‍ക്കാകെ നല്ല സേവനം നല്‍കുന്നതിലൂടെ പൊതുഗതാഗതം കൂടുതല്‍ ജനകീയമാകുമെന്നും മന്ത്രി പറഞ്ഞു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.