കൊച്ചി: മൂന്നാറിലെ കയ്യേറ്റ ഭൂമി തിരിച്ചുപിടിച്ച് കിടപ്പാടമില്ലാത്തവര്ക്ക് നല്കണമെന്നാവശ്യപ്പെട്ട് ഭാരത് ധര്മ്മ ജനസേന (ബിഡിജെഎസ്) സമരത്തിന്. ഇന്ന് രാവിലെ 11ന് മൂന്നാറില് ആരംഭിക്കുന്ന സമരം ബിഡിജെഎസ് സംസ്ഥാന അധ്യക്ഷന് തുഷാര് വെള്ളാപ്പള്ളി ഉദ്ഘാടനം ചെയ്യും.
മൂന്നാറിലുള്പ്പെടെയുള്ള എല്ലാ വന്കിട കയ്യേറ്റങ്ങളും ഒഴിപ്പിക്കുക, റിസോര്ട്ട് മാഫിയയെ തുരത്തുക, രാഷ്ട്രീയ കയ്യേറ്റ കൂട്ടുകെട്ട് വെളിച്ചത്തുകൊണ്ടുവരിക, അനധികൃത നിര്മ്മാണങ്ങള് പൊളിക്കുക, വനവാസികള്ക്ക് ഭൂമി വീണ്ടെടുത്ത് നല്കുക, രാജമാണിക്യം റിപ്പോര്ട്ട് നടപ്പാക്കുക തുടങ്ങിയ ആവശ്യങ്ങളുന്നയിച്ചാണ് സമരം.
മുത്തങ്ങയിലെ പാവപ്പെട്ട വനവാസികള്ക്കുനേര ചൂണ്ടി തോക്കുകള് മൂന്നാറിലെത്തുമ്പോള് താഴ്ന്നുപോകുമെന്ന് തുഷാര് വെള്ളാപ്പള്ളി ആരോപിച്ചു. സംസ്ഥാന സര്ക്കാര് കപട നാടകം അവസാനിപ്പിച്ച് മൂന്നാറിലെ കയ്യേറ്റം ഒഴിപ്പിക്കണമെന്നും അദ്ദേഹം ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: