ന്യൂയോര്ക്ക്: ഫോക്സ് ന്യൂസ് സ്ഥാപകനും മുന് ചെയര്മാനുമായ റോജര് എയില്സ് (77) അന്തരിച്ചു. വ്യാഴാഴ്ച രാവിലെയായിരുന്നു അന്ത്യം. റോജര് എയില്സിന്റെ ഭാര്യ എലിസബത്ത് എയില്സാണ് വാര്ത്ത പുറത്തുവിട്ടത്.
ലൈംഗികാരോപണത്തെത്തുടര്ന്ന് എയില്സ് ഫോക്സ് ന്യൂസില്നിന്നും കഴിഞ്ഞ വര്ഷം രാജിവച്ചിരുന്നു. മാധ്യമ ഭീമനായ റൂപര്ട്ട് മര്ഡോക്കിന്റെ മാധ്യമ ടീമിലെ പ്രമുഖനായിരുന്നു എയില്സ്.
ലൈംഗിക അതിക്രമത്തിനു ഫോക്സ് ന്യൂസ് അവതാരക ഗ്രേചന് കാള്സന്റെ പരാതിയിലാണ് എയില്സിന് സ്ഥാപനത്തില്നിന്നും പുറത്തുപോകേണ്ടിവന്നത്. എയില്സിന്റെ ലൈംഗിക താത്പര്യങ്ങള്ക്ക് വഴങ്ങാത്തതിനാല് തന്നെ ഒതുക്കുകയും ജോലിയില് നിന്നും പുറത്താക്കുകയും ചെയ്തതായി ന്യൂജേഴ്സി സ്റ്റേറ്റ് കോടതിയിലാണ് അവര് പരാതി നല്കിയത്.
ബന്ധത്തിലേര്പ്പെടാന് തയാറെങ്കില് ശമ്പളത്തോടൊപ്പം ആഴ്ചയില് 100 ഡോളര് അധികം നല്കാമെന്നു വനിതാ ജീവനക്കാരിയോട് എയില്സ് പറഞ്ഞതു നേരത്തേ വിവാദമായിരുന്നു.
പ്രതികരിക്കാൻ ഇവിടെ എഴുതുക: