കൊടുങ്ങല്ലൂര്: നഗരത്തില് സ്കൂള് വിദ്യാര്ത്ഥിനിയുള്പ്പെടെ അഞ്ചു പേര്ക്ക് ഡെങ്കിപ്പനി സ്ഥിരീകരിച്ചു. ഗുരുദേവ നഗറിലെ രണ്ടു വീടുകളിലാണ് രോഗബാധയുള്ളവരെ കണ്ടെത്തിയത്.
കഴിഞ്ഞ കുറച്ച് ദിവസങ്ങളായി ഇവര് പനിക്ക് ചികിത്സയിലായിരുന്നു. നാല് പേര് സ്വകാര്യ ആശുപത്രികളിലും ഒരാള് താലൂക്ക് ഗവണ്മെന്റ് ആശുപത്രിയിലുമാണ് ചികിത്സയിലുള്ളത്. വിദഗ്ധ പരിശോധനയിലാണ് ഡെങ്കി സ്ഥിരീകരിച്ചത്. ഇവരുടെ വീട്ടുപരിസരത്ത് ഡെങ്കിപ്പനി പടര്ത്തുന്ന ഈഡിസ് കൊതുകളെ കണ്ടെത്തിയതായും ആരോഗ്യ വകുപ്പുദ്യോഗസ്ഥര് പറഞ്ഞു.
ഡെങ്കിപ്പനിയുടെ ലക്ഷണങ്ങള് കണ്ടെത്തിയതിനെ തുടര്ന്ന് ഇവര്ക്ക് വിദഗ്ദ്ധ ചികിത്സ ലഭ്യമാക്കിയിട്ടുണ്ട്. ഡെങ്കി കണ്ടെത്തിയ ഗുരുദേവനഗര് പ്രദേശത്ത് ആരോഗ്യ വകുപ്പ് പ്രതിരോധ പ്രവര്ത്തനവും ബോധവല്ക്കരണവും ആരംഭിച്ചു. വെള്ളം കെട്ടി നില്ക്കാനുളള സാഹചര്യം ഒഴിവാക്കണമെന്നും വീടും പരിസരവും വൃത്തിയായി സൂക്ഷിക്കണമെന്നും ആരോഗ്യ വകുപ്പ് അറിയിച്ചു. രോഗലക്ഷണങ്ങളായ പനി, ഛര്ദ്ദി, ശരീരവേദന, ദേഹത്ത് ചുവന്ന തടിപ്പുകള് എന്നിവയുള്ളവര് വിദഗ്ധ ചികിസ തേടണമെന്ന് തേടണമെന്ന് താലൂക്ക്ആശുപത്രി സൂപ്രണ്ട് ഡോ. ടി.വി.റോഷ് അറിയിച്ചു.
പ്രതികരിക്കാൻ ഇവിടെ എഴുതുക: