ഡെങ്കി വൈറസ് ആദ്യമായി ബാധിക്കുന്നവര്ക്കാണ് സാധാരണ ഡെങ്കിപ്പനി (ക്ലാസിക് ഡെങ്കി ഫീവര്) ഉണ്ടാകുന്നത്. ഒന്നിലധികം ഇനം ഡെങ്കിവൈറസുകള് ഒരേ വ്യക്തിയെ വീണ്ടും ആക്രമിക്കുമ്പോഴാണ് രക്തസ്രാവത്തോടെയുള്ള ഡെങ്കിപ്പനി (ഡെങ്കി ഹെമറേജിക് ഫീവര്) അല്ലെകില് ആഘാതാവസ്ഥയോടുകൂടിയ ഡെങ്കിപ്പനി (ഡെങ്കി ഷോക്ക് സിന്ഡ്രോം) ഉണ്ടാവുന്നത്. ഡെങ്കി ഹെമറേജിക് ഫീവര്,(ഡെങ്കി ഷോക്ക് സിന്ഡ്രോം) എന്നിവ രണ്ടും വളരെ മാരകമായിട്ടുള്ള ഡെങ്കിപ്പനിയുടെ അവസ്ഥയാണ്.
സാധാരണ ഡെങ്കിപ്പനിക്കുള്ള ലക്ഷണങ്ങളെക്കൂടാതെ മൂക്ക്, വായ്, മോണ എന്നിവയില് നിന്നുള്ള രക്തസ്രാവം, കൂടെക്കൂടെ രക്തത്തോടെയോ അല്ലാതെയോ ഉള്ള ഛര്ദി, അസ്വസ്ഥത, ഉറക്കമില്ലായ്മ, അമിതമായ ദാഹം, നാഡിമിടിപ്പ് കുറയല്, ശ്വാസോച്ഛ്വാസത്തിനു വൈഷമ്യം, ത്വക്കില് രക്തപ്പാടുകള് തുടങ്ങിയ ലക്ഷണങ്ങള് ഈ ഘട്ടത്തില് കാണുന്നു.
രക്തത്തിലെ പ്ലേറ്റ്ലറ്റ് കണങ്ങള് കുറഞ്ഞുപോകുന്നതാണ് പെട്ടെന്നുള്ള രക്തസ്രാവത്തിനും തുടര്ന്നുള്ള മരണത്തിനും കാരണം. ആഘാതാവസ്ഥയോടു കൂടിയ ഡെങ്കിപ്പനിയില് ശരീരത്തില് നിന്ന് പ്ലാസ്മയും രക്തവും നഷ്ടപ്പെടുന്നതുമൂലം മരണം സംഭവിക്കുന്നു.
പ്രതികരിക്കാൻ ഇവിടെ എഴുതുക: