കൊടുങ്ങല്ലൂര്: സിപിഎമ്മിന്റ അക്രമ രാഷ്ട്രീയത്തിനു മുന്നില് ബിജെപി മുട്ടുമടക്കില്ലെന്നും ജനാധിപത്യപരമായി നേരിടുക തന്നെ ചെയ്യുമെന്നും സംസ്ഥാന ജനറല് സെക്രട്ടറി കെ.സുരേന്ദ്രന്. എടവിലങ്ങില് പ്രമോദ് ബലിദാന ദിനാചരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഭരിക്കുന്ന കക്ഷി തന്നെ കൊലപാതകങ്ങള് ആസൂത്രണം ചെയ്തു നടപ്പാക്കുന്ന ഏക സംസ്ഥാനമാണ് കേരളം. സിപിഎം നടത്തുന്ന പൗരാവകാശ ലംഘനങ്ങള്ക്കെതിരെ ജനങ്ങളെ അണിനിരത്തി പ്രതിരോധിക്കുമെന്നും അദ്ദേഹം പറഞ്ഞു.
മണ്ഡലം പ്രസിഡന്റ് പി.എസ് അനില്കുമാര് അദ്ധ്യക്ഷത വഹിച്ച സമ്മേളനത്തില് ജില്ല പ്രസിഡന്റ് എ. നാഗേഷ്, കര്ഷകമോര്ച്ച സംസ്ഥാന സെക്രട്ടറി എ.ആര്.അജി ഘോഷ്, യുവമോര്ച്ച ജില്ല പ്രസിഡന്റ് പി.ഗോപിനാഥ്, സി.കെ.പുരുഷോത്തമന് ,ടി.പി.സതീഷ് തുടങ്ങിയവര് സംസാരിച്ചു.
വൈകീട്ട് കാരയില് നിന്നുമാരംഭിച്ച പ്രകടനത്തില് നൂറുകണക്കിന് പ്രവര്ത്തകര് പങ്കെടുത്തു. രാവിലെ പ്രമോദിന്റെ വസതിയിലെ ബലികുടീരത്തില് ജില്ല പ്രസിഡന്റ് എ. നാഗേഷ് പുഷ്പാര്ച്ചന നടത്തി.മണ്ഡലത്തിലെ എല്ലാ ബൂത്തുകളിലും പുഷ്പാര്ച്ചന നടന്നു.
യുവമോര്ച്ച എടവിലങ്ങ് പഞ്ചായത്ത് കമ്മിറ്റി അരി വിതരണം നടത്തി.പെരിഞ്ഞനത്ത് യുവമോര്ച്ച പ്രവര്ത്തകര് ശുചീകരണവും അരി വിതരണവും നടത്തി. മണ്ഡലം പ്രസിഡന്റ് സെല്വന് മണക്കാട്ടുപടി ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: