ചെറുപുഴ: നാട്ടുപൈതൃകം അന്യംനിന്നുപോകാതിരിക്കാന് പുരുഷ സ്വയം സഹായ സംഘ കൂട്ടായ്മയില് വഴുതിനത്തൈ കൃഷി. ഒരു കാലത്ത് പേരെടുത്ത തവിടിശ്ശേരി വഴുതിനയാണ് സംഘകൂട്ടായ്മയില് പുനര്ജനിച്ചത്. അത്യുല്പ്പാദന ശേഷിയുള്ള രോഗ പ്രതിരോധ ശേഷി കൂടുതലുള്ള തവിടിശ്ശേരി വഴുതിന എന്നറിയപ്പെടുന്ന ഈ ഇനം ഒരു കാലഘട്ടത്തില് തവിടിശ്ശേരിയിലെയും പരിസര പ്രദേശങ്ങളിലെയും പ്രധാന പച്ചക്കറി കൃഷികളില് ഒന്നായിരുന്നു.
എന്നാല് ആധുനിക വിത്തുകളും നാണ്യ വിളകളിലേക്കുള്ള കര്ഷകന്റെ മാറ്റവും ഈ ഇനത്തെ നാട്ടില്നിന്നും അപ്രത്യക്ഷമാക്കി. ഈ നഷ്ടപ്രതാപം വീണ്ടെടുക്കാന് പ്രതീക്ഷ പുരുഷ സ്വയംസഹായ സംഘം രംഗത്തെത്തുകയും പെരിങ്ങോം കൃഷിഭവന്റെ സഹായത്തോടെ അയ്യായിരത്തോളം വഴുതിന തൈകള് കൃഷി ചെയ്യുകയും ചെയ്തു. ഇവ പഞ്ചായത്തിന്റെ വിവിധ ഭാഗങ്ങളിലെ വീടുകളില് എത്തിച്ച് തവിടിശ്ശേരി വഴുതിനയുടെ രുചി അറിയാന് ആളുകളെ പ്രാപ്ത്തരാക്കുകയാണ് ഈ പുരുഷ കൂട്ടായ്മ.
പ്രതികരിക്കാൻ ഇവിടെ എഴുതുക: