തിരുവനന്തപുരം: യുവതിയെ വര്ഷങ്ങളായി പീഡിപ്പിച്ച കേസില് അറസ്റ്റിലായ ശ്രീഹരി എന്ന ഗംഗേശാനന്ദ തീര്ത്ഥപാദ സ്വാമിയെ പോലീസ് ഇന്ന് ചോദ്യംചെയ്യും. അതേസമയം, സ്വാമിയുടെ ജനനേന്ദ്രിയം ഛേദിച്ച സംഭവത്തില് പേട്ട സ്വദേശിനിയായ യുവതിയുടെ രഹസ്യമൊഴിയെടുത്തിട്ടുണ്ട്
അടിയന്തര ശസ്ത്രക്രിയക്ക് വിധേയനാക്കിയതിനാല് ഇന്നലെ സ്വാമിയെ കൂടുതല് ചോദ്യം ചെയ്യാന് സാധിച്ചിരുന്നില്ല. ഇതിനു പുറമെ സ്വാമിയെ ആശുപത്രിയിലെ പൊലീസ് സെല്ലിലേക്ക് മാറ്റുന്നതിനും അനുമതി തേടും. കൊല്ലം സ്വദേശിയായ സ്വാമിയുടെ അറസ്റ്റ് ഇന്നലെ രേഖപ്പെടുത്തിയിരുന്നു.
തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയിലാണ് പെണ്കുട്ടിയുടെ മൊഴി രേഖപ്പെടുത്തിയത്. ഇപ്പോള് ഇരുപത്തിമൂന്നു വയസ്സുള്ള യുവതിയെ 17 വയസ്സു മുതല് ഇയാള് പീഡിപ്പിച്ചിരുന്നതായാണു മൊഴി. യുവതിയുടെ അമ്മ പീഡനത്തിന് ഒത്താശ ചെയ്തിരുന്നതായും പ്രാഥമികാന്വേഷണത്തില് വ്യക്തമായിട്ടുണ്ട്.
പ്രതികരിക്കാൻ ഇവിടെ എഴുതുക: