തുറവൂര്: തുറവൂര് ശ്രീലക്ഷ്മീ നൃസിംഹ ക്ഷേത്രത്തില് സംസ്ഥാന ജിഎസ്സ്ബി മഹാസഭയുടെ ആഭിമുഖ്യത്തില് പ്രതിഭാസംഗമം നടന്നു. ഈ വര്ഷത്തെ പ്രതിഭാശ്രീ പുരസ്ക്കാരം ലക്ഷ്മീനാരായണനു നല്കി ആദരിച്ചു. വിവിധ തലങ്ങളില് ഉയര്ന്ന വിദ്യഭ്യാസ നിലവാരം നേടിയ കുട്ടികളെ സമ്മാനങ്ങള് നല്കി ആദരിച്ചു. സമൂഹത്തെ ഉയര്ത്തിയെടുക്കാന് വരുന്ന തലമുറ നന്നായി പഠിച്ചുയരണമെന്ന് കാശിമഠാധിപതി സംയമീന്ദ്ര തീര്ത്ഥസ്വാമി പറഞ്ഞു. മാതൃഭാഷ നന്നായി പഠിക്കണം, സംസാരിക്കണം, അതില് അഭിമാനം കൊള്ളണം. ബുദ്ധിവികാസത്തിനായി എന്നും പഠിക്കണം. കുട്ടികള് സുഭാഷിതങ്ങള് കേള്ക്കുകയും പഠിക്കുകയും ചെയ്താല് സംസ്ക്കാര സമ്പന്നരാകുമെന്നും അദ്ദേഹം പറഞ്ഞു. സംസ്ഥാന ജിഎസ്സ്ബി മഹാസഭയുടെ സെക്രട്ടറി കെ എസ്സ് രാമചന്ദ്രപ്പൈ, സുധാകരഭട്ട്, നരസിംഹാചാര്യ എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: