ചേര്ത്തല: പരാതികള് ഉയരുന്നതിനിടയില് താലൂക്കിലെ 78 റേഷന് കടകളിലേക്കുള്ള കാര്ഡുകള് എത്തി. 100 രൂപ നല്കി കാര്ഡുടമകള്ക്ക് കാര്ഡ് വാങ്ങാം.
ബിപിഎല് വിഭാഗത്തിലുള്ളവരില് നിന്ന് 50 രൂപയാണ് ഈടാക്കുന്നത്. പട്ടികവര്ഗത്തിന് സൗജന്യമാണ്. താലൂക്കില് ആകെയുള്ള 293 റേഷന് ഡിപ്പോകളിലായി മൊത്തം 1,36,319 കാര്ഡുകളുള്ളതില് 35,248 കാര്ഡുകളാണ് ഇന്നലെ താലൂക്ക് സപ്ലൈ ഓഫിസില് എത്തിച്ചത്. ജൂണ് രണ്ട് മുതല് 12 റേഷന് കടകളില് വീതമായാണ് ഇവ വിതരണം ചെയ്യുക. റേഷന് കട ലൈസന്സികള് സമരത്തിലായതിനാല് ഇവര് വിതരണത്തിന് സഹകരിക്കില്ലെന്നാണ് സൂചന.
ചേര്ത്തല താലൂക്കില് വിതരണം ചെയ്യുന്ന വ്യത്യസ്ഥ കാര്ഡുകള് ഇവയാണ്. ബിപിഎല്–51,286, എഎവൈ 9,718, നോണ് സബ്സിഡി–29,506, സബ്സിഡി–45,809, സ്റ്റേറ്റ് പ്രയോറിറ്റി–3,308. എഎവൈ കാര്ഡുകള്ക്ക് 28 കിലോ അരിയും ഏഴ് കിലോ ഗോതമ്പുമാണ് ലഭിക്കുക. സ്റ്റേറ്റ് പ്രയോറിറ്റി കാര്ഡുകളിലെ ഒരോ അംഗത്തിനും രണ്ട് കിലോ അരി വീതം രണ്ട് രൂപ നിരക്കില് ലഭിക്കും.
ബിപിഎല് കാര്ഡുകളില് ഒരോ അംഗത്തിനും നാല് കിലോ അരിയും ഒരു കിലോ ഗോതമ്പുമാണ് ലഭിക്കുക. അതേസമയം പഞ്ചസാര ബിപിഎല്, എഎവൈ കാര്ഡുകള്ക്ക് അംഗത്തിന് കാല്കിലോ വീതമാണ്. താലൂക്കിലെ ബാക്കി കാര്ഡുകളും ഉടന് എത്തുമെന്ന് താലൂക്ക് സപ്ലൈ ഓഫിസര് പറഞ്ഞു. ഇരുപത്തിയഞ്ച് ദിവസത്തിനകം വിതരണം പൂര്ത്തിയാക്കണമെന്നാണ് നിര്ദേശമെന്നും പറഞ്ഞു.
അതേസമയം അര്ഹരായവരില് പലരെയും ഒഴിവാക്കിയതായ പരാതി നിലനില്ക്കുന്നതിനാല് പുതിയ കാര്ഡുകള് എത്തുന്നതോടെ വീണ്ടും തര്ക്കങ്ങള്ക്ക് ഇടയാകുമെന്ന ആശങ്കയിലാണ് ഉദ്യോഗസ്ഥര്.
പ്രതികരിക്കാൻ ഇവിടെ എഴുതുക: