ഇരിട്ടി: ആറളം വനത്തില് നിന്നും മുഴക്കുന്ന് പഞ്ചായത്തിലെ പാലപ്പുഴ മേഖലയില് കാട്ടാനകള് ഇറങ്ങുന്നത് തടയാന് ആവശ്യമായ നടപടികള് അധികൃതര് സ്വീകരിക്കണമെന്ന് ബിജെപി പേരാവൂര് മണ്ഡലം സെക്രട്ടറി എന്.വി.ഗിരീഷ് പാലപ്പുഴ ആവശ്യപ്പെട്ടു. ആറളം ഫാമിലും ഫാമിന് പുറത്തും അക്രമം കാണിക്കുകയും നാലോളം പേരെ കൊല്ലുകയും ചെയ്തെന്നു കരുതുന്ന ചുള്ളിക്കൊമ്പനെ ഏതാനും ആഴ്ച മുന്പേ വനം വകുപ്പധികൃതര് പിടികൂടി കൂട്ടിലടച്ചിരുന്നു. എന്നാല് ഇതിനു ശേഷവും കാട്ടാനകള് ജനവാസ കേന്ദ്രങ്ങളില് ഇറങ്ങി ജനങ്ങളില് ഭീതി സൃഷ്ടിക്കുകയാണ്. ഇത് തടയാന് ആവശ്യമായ മാര്ഗ്ഗങ്ങള് സ്വീകരിച്ചു ജനങ്ങളുടെ ജീവനും സ്വത്തിനും സംരക്ഷണം നല്കാന് അധികൃതര് തയ്യാറാവണമെന്ന് ഗിരീഷ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: