തൃശൂര്: പാലക്കാട് കൂനത്തറ കൃഷ്ണന്കുട്ടി പുലവര് മെമ്മോറിയല് തോല്പ്പാവക്കൂത്ത് ആന്റ് പപ്പറ്റ് സെന്ററിന്റെ ആഭിമുഖ്യത്തില് 29ന് പാവകളി മഹോത്സവം സംഘടിപ്പിക്കുന്നു.കേരള സംഗീത നാടക അക്കാദമി നാട്യഗൃഹത്തില് പുതുല് പ്രയാണ് എന്ന പേരില് കാലത്ത് 10 മുതല് ആറുവരെ വിവിധ തരം പാവകളുടെ പ്രദര്ശനം,സമാദരണം,സെമിനാര്,ഡോക്യുമെന്ററി പ്രദര്ശനം പാവകളി അവതരണങ്ങള് എന്നിവ നടക്കും. അക്കാദമി സെക്രട്ടറി എ.രാധാകൃഷ്ണന് നായര് ഉദ്ഘാടനം ചെയ്യും.
പ്രൊഫ.ജോര്ജ്ജ് എസ്.പോള് അധ്യക്ഷനാവും.പാവകളി കൂടുതല് ആസ്വാദകരിലേക്കെത്തിക്കുന്നതിന് ഗഹനമായ പഠനങ്ങള്ക്ക് പ്രോത്സാഹമനം നല്കാനുമാണ് പാവകളി മഹോത്സവം സംഘടിപ്പിക്കുന്നതെന്ന് ഭാരവാഹികള് അറിയിച്ചു.ഉച്ചക്ക് ഒന്നരക്ക് പാവകളി ഗുരു കൃഷ്ണന്കുട്ടി പുലവരുടെ ബോറോവ്ഡ് ഫയര്,ജേണി വിത്ത് പപ്പട്രി തുടങ്ങിയ ഡോക്യുമെന്ററി സിനിമകള് പ്രദര്ശിപ്പിക്കും.
2.30ന് സോദാഹരണ പ്രഭാഷണങ്ങളും പാവകളി പ്രദര്ശനവും അരങ്ങേറും. നോക്കുവിദ്യാ പാവകളി,ആനുകാലിക പ്രകാശസംവിധാനങ്ങളുപയോഗിച്ചുള്ള പാവകളി,സിസിആര്ടി പരിശീലനം ലഭിച്ചവരുടെ പാവകളി എന്നിവയായിരിക്കും അരങ്ങേറുന്നത്.കെ.കെ.രാചന്ദ്ര പുലവര്,പ്രൊഫ.വി.എ.വര്ഗീസ്,പാവകഥകളി കലാകാരന് ശ്രീനിവാസന്,കെ.രാജീവ് പുലവര്,രാഹുല് പുലവര് എന്നിവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: