കണ്ണൂര്: ലോക പുകയിലെ വിരുദ്ധ ദിനാചരണത്തോടനുബന്ധിച്ച് 31ന് കണ്ണൂര് മലബാര് കേന്സര് കെയര്സൊസൈറ്റിയുടെ ആഭിമുഖ്യത്തില് റസിഡന്സ് അസോസിയേഷന് ഭാരവാഹികള്ക്കും സന്നദ്ധ സംഘടനാ പ്രതിനിധികള്, മറ്റു വളണ്ടിയര്മാര് തുടങ്ങിയവര്ക്ക് കാന്സര്രോഗ പ്രതിരോധ പ്രവര്ത്തനങ്ങളില് ബോധവല്ക്കരണ പരിപാടി കണ്ണൂര്മലബാര് കാന്സര് കെയര് സൊസൈറ്റിയില്വെച്ച് നടത്തുന്നു. പുകയിലയുടെ എല്ലാതരത്തിലുള്ള ഉപയോഗവും വിലക്കുന്നതിന്റെ പ്രാധാന്യത്തൊടൊപ്പം കാന്സറിനെ അകറ്റി നര്ത്താനുള്ള മാര്ഗ്ഗങ്ങളെക്കുറിച്ചും കുട്ടികള്ക്കും യുവാക്കള്ക്കുമിടയില് വര്ദ്ധിച്ചുവരുന്ന പുകയില ലഹരി ഉപയോഗം നിരുത്സാഹപ്പെടുത്തുന്നതിനുള്ള മാര്ഗ്ഗങ്ങളെക്കുറിച്ചും ബോധവല്ക്കരണ പരിശീലന പരിപാടിയില് ഊന്നല്നല്കും. കാന്സര് ബോധവല്ക്കണ വീഡിയോ, പോസ്റ്റര്, ലഘുലേഖകള്, സ്റ്റിക്കര് ഇവയും വിതരണം ചെയ്യും.
കണ്ണൂര് കോര്പ്പറേഷന് പരിധിയിലുള്ള റസിഡന്സ് അസോസിയേഷനുകള്ക്ക് അഞ്ച്വീതം പ്രതിനിധികളെ പരിശീലനത്തില് പങ്കെടുപ്പിക്കാം. സന്നദ്ധ സംഘടനാ ഭാരവാഹികള്ക്കും എന്എസ്എസ് ഭാരവാഹികള്ക്കും പരിശീലനത്തില് പങ്കെടുക്കാവുന്നതാണ്. പങ്കെടുക്കുവാന് താല്പര്യമുള്ളവര് 30ന് 2 മണിക്ക് മുമ്പായി പ്രസിഡണ്ട് മലബാര് കാന്സര്കെയര് സൊസൈറ്റി, കണ്ണൂര്-2 എന്ന വിലാസത്തിലോ 0497 2705309, 9446525309 എന്ന നമ്പറിലോ വിളിച്ച് പേര് രജിസ്റ്റര് ചെയ്യാവുന്നതാണ്. ആദ്യം രജിസ്റ്റ്റര് ചെയ്യുന്ന 100 പ്രതിനിധികള്ക്കാണ് പങ്കെടുക്കുവാന് അവസരമുണ്ടാവുക.
പ്രതികരിക്കാൻ ഇവിടെ എഴുതുക: