എരുമേലി: പ്ലാച്ചേരി ഫോറസ്റ്റ് സ്റ്റേഷന് ശാക്തീകരണത്തിന്റെ ഭാഗമായി പുതിയതായി നിര്മ്മിച്ച കെട്ടിടങ്ങളുടെ ഉത്ഘാടനവും, വനശ്രീ ഇക്കോഷോപ്പ് ഉല്പന്നങ്ങളുടെ ആദ്യവില്പനയും 30ന് നടക്കും.
രാവിലെ 9ന് നടക്കുന്ന സമ്മേളനം വനംവകുപ്പ് മന്ത്രി അഡ്വ. കെ രാജു ഉത്ഘാടനം ചെയ്യും. ഡോ.എന് ജയരാജ് എം എല് എ ചടങ്ങില് അധ്യക്ഷത വഹിക്കും.
90 ലക്ഷം രൂപ ചെലവിട്ടാണ് മോഡല് സ്റ്റേഷനാക്കുന്നതിന് നിര്മ്മാണ പ്രവര്ത്തനങ്ങള് പൂര്ത്തിയാക്കിയിരിക്കുന്നത്. ആനമുടി മല, സൈലന്റ് വാലി, മതികെട്ടാന് മല, ഇരവികുളം, പൊന്മുടി മല, നീലഗിരി എന്നിവിടങ്ങളിലെ വനപാലകര്ക്ക് ഓരോ മുറികളും ഇവിടെ പുതിയ കെട്ടിട സമുച്ചയത്തില് സജ്ജീകരിച്ചിട്ടുണ്ട്. പിടികൂടുന്ന വന്യമൃഗങ്ങളെ സംരക്ഷിക്കാന് ആനിമല് റെസ്ക്യു സെന്റര്, തൊണ്ടി സാധനങ്ങള്, പിടികൂടുന്ന വാഹനങ്ങള് എന്നിവ സൂക്ഷിക്കാനും കെട്ടിടം, വനശ്രീ ഇക്കോ വില്പന കേന്ദ്രം, പാര്ക്കിംഗ് ഏരിയ, ചുറ്റുമതില് എന്നിവയാണ് നിര്മ്മിച്ചിരിക്കുന്നത്. പത്രസമ്മേളനത്തില് ഡി എഫ് ഒ ജയരാമന്, എരുമേലി റേഞ്ച് ഓഫീസര് പി കെ വിപിന്ദാസ്, പ്ലാച്ചേരി ഡപ്യൂട്ടി റേഞ്ച് ഓഫീസര് രതീഷ് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: