തിരുവനന്തപുരം: മദ്യശാല തുറക്കാന് പഞ്ചായത്തിന്റെ അനുമതി വേണമെന്ന നിയമം സംസ്ഥാന സര്ക്കാര് എടുത്തുകളയുന്നു. ഇതിനായി പഞ്ചായത്ത് രാജ് ആക്ടില് ഭേദഗതി കൊണ്ടുവരാന് മന്ത്രിസഭായോഗം തീരുമാനിച്ചു.
സുപ്രീംകോടതി വിധി പ്രകാരം ദേശീയ പാതയില് നിന്ന് മാറ്റിയ മദ്യശാലകള് മാറ്റി സ്ഥാപിക്കാന് പല സ്ഥലങ്ങളിലും ഗ്രാമപഞ്ചായത്തുകളുടെ അനുമതി ലഭിക്കാത്തതിനാല് കഴിഞ്ഞിരുന്നില്ല. ഈ സാഹചര്യത്തിലാണ് പുതിയ തീരുമാനം സംസ്ഥാന സര്ക്കാര് കൈക്കൊണ്ടത്. മദ്യശാലകള് മാറ്റി സ്ഥാപിക്കാന് കഴിയാത്തതിനാല് ബിവറേജസ് കോര്പ്പറേഷന് വലിയ നഷ്ടത്തിലേക്കും കൂപ്പ് കുത്തിയിരുന്നു.
കഴിഞ്ഞ യുഡിഎഫ് സര്ക്കാരിന്റെ കാലത്തായിരുന്നു മദ്യശാല തുടങ്ങാന് ഗ്രാമപഞ്ചായത്തിന്റെ അനുമതി നിര്ബന്ധമാക്കിക്കൊണ്ടുള്ള നിയമഭേദഗതി സര്ക്കാര് കൊണ്ടുവന്നത്.
പ്രതികരിക്കാൻ ഇവിടെ എഴുതുക: