ചാലക്കുടി: അന്നനാട് വേലൂപ്പിള്ളി ശ്രീധര്മ്മ ശാസ്ത ക്ഷേത്രത്തിന്റെ കവാടത്തിലുള്ള അയ്യപ്പ മണ്ഡപത്തിന് സമീപത്ത് ഡിവൈഎഫ്ഐ ബീഫ് ഫെസ്റ്റ് നടത്തിയത് വിവാദമാകുന്നു.
ജംഗ്ഷനിലുള്ള മണ്ഡപത്തിന് മുന്വശത്തായിട്ടാണ് ബീഫ് ഫെസ്റ്റ് സംഘടിപ്പിച്ചത്. ക്ഷേത്ര കവാടത്തിലെ ഭണ്ഡാരത്തിന് മുമ്പിലാണ് വിഗ്രഹം സ്ഥാപിച്ചിരിക്കുന്നത്.
പൊതു സ്ഥലത്ത് മൈക്ക് ഉപയോഗിക്കുന്നതിന് അനുവാദം വാങ്ങാതെ നടത്തിയതിനെ തുടര്ന്ന് കൊരട്ടി പോലീസ് മൈക്ക് പ്രവര്ത്തിക്കുവാന് സമ്മതിച്ചില്ല. അതേസമയം അയ്യപ്പ മണ്ഡപത്തിന് സമീപത്ത് നിന്ന് ബീഫ് വിളമ്പുന്നത് മാറ്റണമെന്ന ആവശ്യം പോലീസ് നിരാകരിക്കുകയായിരുന്നു.
അന്നനാട് ജംഗ്ഷനിലുള്ള അയ്യപ്പ മണ്ഡപത്തിന് സമീപത്ത് ബീഫ്ഫെസ്റ്റ് നടത്തുവാന് അനുവദിച്ച കൊരട്ടി പോലീസിന്റെയും ഡിവൈഎഫ്ഐയുടെയും നടപടിയില് ബിജെപി കാടുകുറ്റി പഞ്ചായത്ത് സമിതി പ്രതിഷേധിച്ചു.
ബീഫിന്റെ പേരിലുള്ള അനാവശ്യസമരത്തെ ഹൈക്കോടതി വരെ തള്ളിക്കളഞ്ഞ സാഹചര്യത്തില് ചിലര് നടത്തിയ ആഭാസ സമരത്തിന് അനുകൂല നിലപാട് സ്വീകരിച്ച കൊരട്ടി എസ്.ഐയുടെ നടപടി വിശ്വാസത്തോടുള്ള വെല്ലുവിളിയാണെന്ന് യുവമോര്ച്ച മണ്ഡലം ജനറല് സെക്രട്ടറി കെ.കെ.കിഷോര് പറഞ്ഞു.
പ്രതികരിക്കാൻ ഇവിടെ എഴുതുക: