കോഴിക്കോട്: മലാപ്പറമ്പ് വേദവ്യാസ വിദ്യാലയത്തിലെ പ്രവേശനോത്സവം വിദ്യാര്ത്ഥികള്ക്കും രക്ഷിതാക്കള്ക്കും ആഹ്ലാദവും അഭിമാനകരവുമായി. സിവില് സര്വീസ് പരീക്ഷയില് ഉയര്ന്ന റാങ്ക് നേടിയ പൂര്വ്വ വിദ്യാര്ത്ഥി അമിതിന്റെ സാന്നിദ്ധ്യമാണ് പ്രവേശനോത്സവത്തിന് മാറ്റുകൂട്ടിയത്. ചെണ്ടമേളത്തോടെ തിലകം ചാര്ത്തി മധുരം നല്കി അധ്യാപകരും മാതൃസമിതി അംഗങ്ങളും വിദ്യാര്ത്ഥികളെ സ്വീകരിച്ചു. പ്രവേശനോത്സവത്തിന്റെ ഉദ്ഘാടനം ഭദ്രദീപം തെളിയിച്ചുകൊണ്ട് പൂര്വ വിദ്യാര്ത്ഥി അമിത് വി.പി. ഉദ്ഘാടനം ചെയ്തു. പ്ലസ് ടു വിദ്യാര്ത്ഥികള്ക്ക് അമിത് മാര്ഗദര്ശനം നല്കി. 12-ാം തരം പൊതുപരീക്ഷയില് 97% നേടിയ ശ്രദ്ധ വി.എസ്, കമ്പ്യൂട്ടര് സയന്സില് 100 മാര്ക്ക് നേടിയ ലക്ഷ്മി.പി എന്നിവര് വിദ്യാര്ത്ഥികളുമായി സംവദിച്ചു. പ്രിന്സിപ്പാള് എ. ചെന്താമരാക്ഷന്, പ്രസിഡന്റ് എം. മാധവന്, ഭാരതീയ വിദ്യാനികേതന് സംസ്ഥാന അധ്യക്ഷന് എ.കെ. ശ്രീധരന്, പി. നന്ദനന്, എന്.പി. സോമന്, വിദ്യാലയസമിതി സെക്രട്ടറി രതീഷ് ബാബു, മാതൃസമിതി പ്രസിഡന്റ് സന്ധ്യ, ക്ഷേമസമിതി പ്രസിഡന്റ് മനോജ് എന്നിവര് സംസാരിച്ചു.
ചിന്മയ വിദ്യാലയത്തില് പ്രവേശനോത്സവം ഗായത്രി ഹവനത്തോടു കൂടി ആരംഭിച്ചു. ബ്രഹ്മചാരി മുകുന്ദ ചൈതന്യയും ബ്രഹ്മചാരി കല്ല്യാണ് ചൈതന്യയും ഹവനത്തിനു നേതൃത്വം നല്കി. തുടര്ന്ന് എംഎസ് സുബ്ബലക്ഷ്മി ഫെല്ലോഷിപ്പിന് അര്ഹയായ സൂര്യഗായത്രിയുടെ സംഗീതാര്ച്ചനയും ഉണ്ടായി.
താമരശ്ശേരി: പഴശ്ശിരാജ വിദ്യാമന്ദിരത്തില് പ്രവേശനോത്സവം കൊണ്ടാടി. താമരശ്ശേരി ഗ്രാമപഞ്ചായത്ത് അംഗം ബിന്ദു ആനന്ദ് ഉദ്ഘാടനം ചെയ്തു. വിദ്യാലയ സമിതി അദ്ധ്യക്ഷന് വേണുഗോപാലന് നായര് അദ്ധ്യക്ഷത വഹിച്ചു. വിദ്യാനികേതന് ജില്ലാ ട്രഷറര് വി.പി. കൃഷ്ണന്, ഹെഡ്മാസ്റ്റര് നീലേശ്വരം ഭാസ്കരന്, സുരേഷ്കുമാര്, ശ്രീകല എന്നിവര് പ്രസംഗിച്ചു.
മണ്ണൂര്: മണ്ണൂര് സരസ്വതിവിദ്യാനികേതന് പ്രവേശനോത്സവം കോര്പ്പറേഷന് കൗണ്സിലര് നവ്യാഹരിദാസ് ഉദ്ഘാടനം ചെയ്തു.
പ്രധാനാധ്യാപിക സി.പി. ബേബി അദ്ധ്യക്ഷത വഹിച്ചു. കെ.പി. കുട്ടികൃഷ്ണന് മുഖ്യ പ്രഭാഷണം നടത്തി. മികച്ചവിജയം നേടിയ പൂര്വ്വവിദ്യാര്ത്ഥികളായ അളകശ്രീ, ഐശ്വര്യ, അനുപമ, അനുഷ, ജിഷ്ണു, മധുരിമ, ആദിത്ത്, ആത്മജ എന്നിവരെ അനുമോദിച്ചു. ചന്ദ്രന് ചെറുകാട്ട്, എ.വി. ഗോപി, സി. ഗംഗാധരന്, ബിന്ദു ഗോപാല്, ടി. രാജേശ്വരി, എം. സുധ എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: