മട്ടാഞ്ചേരി: കേന്ദ്ര ദ്രുതകര്മ്മ സേനയുടെ ഒരു സംഘം കൊച്ചിയിലെത്തി. വ്യാഴാഴ്ച രാവിലെയാണ് ഡെപ്യൂട്ടി കമാന്ഡര് എം.എസ്. നായരുടെ നേതൃത്വത്തിലുള്ള 35 അംഗ ദ്രുതകര്മ്മസേന മട്ടാഞ്ചേരിയിലെത്തിയത്.
കോയമ്പത്തൂരിലെ സൈനിക കേന്ദ്രത്തില് നിന്നാണിവര് കൊച്ചിയിലെത്തിയത്. അടിയ ന്തര സാഹചര്യങ്ങളില് ക്രമസമാധാനപാലന ചുമതല ഏറ്റെടുക്കുന്നതോടോപ്പം ദേശീയ സുരക്ഷ പ്രവര്ത്തനവും മുന്നിര്ത്തി കൊണ്ടുള്ള മുന്കരുതലിന്റെ ഭാഗമായുള്ള സ്ഥലപരിചയം, ചരിത്രം, പ്രധാന കേന്ദ്ര ങ്ങള്, പോലീസ് സ്റ്റേഷന് പ്രവര്ത്തനം, സാമൂഹിക വ്യവസ്ഥകള് തുടങ്ങി വിവിധതല പഠനവും ലക്ഷ്യമിട്ടാണ് ദ്രുതകര്മ്മ സേനയുടെ സന്ദര്ശം. മട്ടാഞ്ചേരി, ഫോര്ട്ടുകൊച്ചി പോലീസ് സ്റ്റേഷനുകള് സന്ദര്ശിച്ച ദ്രുതകര്മ്മ സേനാംഗങ്ങള് മണിക്കൂറുകളോളം കൊച്ചിയില് തങ്ങിയാണ് മടങ്ങിയത്. പോലീസ് സ്റ്റേഷനിലെ ഉന്നത ഉേദ്യാഗസ്ഥരുമായി ആശയ വിനിമയം നടത്തിയ സേനാംഗങ്ങള് ജില്ലാ ആസ്ഥാനവുമായും ബന്ധപ്പെട്ടാണ് മടങ്ങിയത്.
കേന്ദ്ര സര്ക്കാര് ആഭ്യന്തര വകുപ്പിന്റെ പ്രത്യേക നിര്ദ്ദേശവുമായി ആഭ്യന്തര തീവ്രവാദ പ്രവര്ത്തനം വര്ഗ്ഗീയ സംഘര്ഷങ്ങളെ നേരിടല് ‘റെയ്ഡ്’ സുപ്രധാന സുരക്ഷാകേന്ദ്രങ്ങളുടെ രക്ഷാപ്രവര്ത്തനങ്ങള് എന്നിവയ്ക്കായി ദ്രുത കര്മ്മ സേനാ പ്രവര്ത്തനം ശക്തമാക്കുന്നതിന്റെ ഭാഗമായുള്ള ദേശീയ സ്ഥിതി പഠന ഭാഗമായാണ് കേന്ദ്ര ദ്രുത കര്മ്മ സേനയുടെ കൊച്ചി സന്ദര്ശനമെന്നും ചുണ്ടിക്കാട്ടുന്നു.
പ്രതികരിക്കാൻ ഇവിടെ എഴുതുക: