കോഴിക്കോട്: വ്യോമസേനയുടെ സുഖോയ്-30 വിമാനം തകര്ന്ന് വീണ് മരിച്ച ഫ്ളൈറ്റ് ലെഫ്റ്റനന്റ് അച്ചുദേവിന് അന്ത്യാഞ്ജലി അര്പ്പിക്കാന് നാട് പന്തീരാങ്കാവ് പന്നിയൂര്ക്കുളത്തെ വീട്ടിലേക്ക് ഒഴുകിയെത്തി.
നൂറുകണക്കിന് നാട്ടുകാരാണ് വീട്ടിലെത്തി അച്ചുദേവിന് അന്ത്യാഞ്ജലി അര്പ്പിച്ചത്. വീട്ടിലെത്തിച്ച മൃതദേഹം ആദ്യം വീടിനകത്ത് അല്പ്പസമയം വെച്ചു. കുടുംബാംഗങ്ങള് ഇവിടെവെച്ച് അന്ത്യാഞ്ജലി അര്പ്പിച്ചു. തുടര്ന്ന് പൊതുദര്ശനത്തിനായി മുറ്റത്ത് ഒരുക്കിയ പന്തലിലേക്ക് മാറ്റി. നാട്ടുകാരും ജനപ്രതിനിധികളുമെല്ലാം അന്ത്യാഞ്ജലി അര്പ്പിച്ചു. പന്ത്രണ്ടു മണിയോടെ ആരംഭിച്ച പൊതുദര്ശനം രണ്ടു മണിയോടെയാണ് അവസാനിച്ചത്.
സംസ്ഥാന സര്ക്കാരിനുവേണ്ടി മന്ത്രി കടന്നപ്പള്ളി രാമചന്ദ്രന് പുഷ്പചക്രം അര്പ്പിച്ചു. മുന് മേഘാലയ ഗവര്ണര് കെ. ശങ്കരനാരായണന്, എംഎല്എമാരായ പി.ടി.എ. റഹിം, എ. പ്രദീപ്കുമാര്, വി.കെ.സി. മമ്മദ്കോയ, കെ. മുരളീധരന്, സംസ്ഥാന സ്പോര്ട്സ് കൗണ്സില് പ്രസിഡന്റ് ടി.പി. ദാസന്, ജില്ലാ കലക്ടര് യു.വി. ജോസ്, എഡിഎം ടി. ജനില്കുമാര്, സൗത്ത് അസിസ്റ്റന്റ് കമ്മീഷണര് അബ്ദുള് റസാഖ്, മേയര് തോട്ടത്തില് രവീന്ദ്രന്, നടന് കോഴിക്കോട് നാരായണന് നായര്, ചിത്രകാരന് സുരേഷ് ബുദ്ധ, പി.വി. ഗംഗാധരന്, പി.വി. ചന്ദ്രന്, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, വൈസ് പ്രസിഡന്റ് റീന മുണ്ടേങ്ങാട്ട്, ബ്ലോക്ക് പഞ്ചായത്ത് പ്രസിഡന്റ് മനോജ്കുമാര്, ഗ്രാമപഞ്ചായത്ത് പ്രസിഡന്റുമാരായ അജിത, ടി. തങ്കമണി, ജില്ലാ സൈനിക ക്ഷേമ ഓഫീസര് പി.പി. സരസന്, അസിസ്റ്റന്റ് ജില്ലാ സൈനിക ക്ഷേമ ഓഫീസര് ടോമി സെബാസ്റ്റ്യന്, കോസ്റ്റല് സിഐ വി. ആര്. സതീഷ്, നല്ലളം എസ്ഐ എ അജീഷ്, എസ്ബിഐ ചീഫ് മാനേജര് എ. പ്രസന്നകുമാര്, ഡെപ്യൂട്ടി മാനേജര് അനീഷ്കുമാര്, കസ്റ്റമര് അസോസിയേറ്റ് കെ.ജെ. തോമസ്, മാനേജര് പി.വി. രവീന്ദ്രന് നായര്, പൂര്വ സൈനിക സേവാ പരിഷത്ത് സംസ്ഥാന വൈസ് പ്രസിഡന്റ് വേലായുധന് കളരിക്കല്, ജില്ലാ സെക്രട്ടറി രാജന് നായര്, ബിജെപി സംസ്ഥാന സമിതി അംഗം ടി.പി. സുരേഷ്, ജില്ലാ വൈസ് പ്രസിഡന്റ് പൊക്കിണാരി ഹരിദാസന്, യുവമോര്ച്ച സംസ്ഥാന വൈസ് പ്രസിഡന്റ് കെ.ടി. വിപിന്, ബിജെപി മണ്ഡലം പ്രസിഡന്റ് കെ.വി. വത്സരാജ്, സെക്രട്ടറി കെ. നിത്യാനന്ദന്, കെ.കെ. പ്രദീപ്, പി. സുബ്രഹ്മണ്യന്, വേലായുധന്, സിപിഎം ജില്ലാ സെക്രട്ടറി പി. മോഹനന്, നേതാക്കളായ മുന് എംഎല്എ കെ.കെ. ലതിക, വേലായുധന്, ജാനമ്മ കുഞ്ഞുണ്ണി, കാനത്തില് ജമീല, ഡിസിസി പ്രസിഡന്റ് അഡ്വ. ടി. സിദ്ദിഖ്, നേതാക്കളായ എന്. സുബ്രഹ്മണ്യന്, കെ. പ്രവീണ്കുമാര്, കെ.സി. അബു, ദിനേശ് പെരുമണ്ണ എന്നിവര് വീട്ടിലെത്തി അന്ത്യാഞ്ജലി അര്പ്പിച്ചു. അച്ചുദേവിനോടുള്ള ആദരസൂചകമായി ബിജെപി പന്തീരാങ്കാവില് ഹര്ത്താലാചരിച്ചു.
പ്രതികരിക്കാൻ ഇവിടെ എഴുതുക: