കേന്ദ്രസര്ക്കാര് ആഭിമുഖ്യത്തിലുള്ള സെന്റര് ഫോര് ഡവലപ്മെന്റ് ഓഫ് അഡ്വാന്സ്ഡ് കംപ്യുട്ടിംഗ് (സി-ഡാക്ക്) വിവിധ സെന്ററുകളിലായി ഓഗസ്റ്റിലാരംഭിക്കുന്ന 24 ആഴ്ചത്തെ ഫുള്ടൈം തൊഴിലധിഷ്ഠിത പോസ്റ്റ് ഗ്രാഡുവേറ്റ് ഡിപ്ലോമ കോഴ്സുകളില് പ്രവേശനത്തിന് ജൂണ് 8വരെ ഓണ്ലൈനായി രജിസ്റ്റര് ചെയ്യാം.
ജൂണ് 18, 25 തീയതികളില് നടത്തുന്ന എന്ട്രന്സ് പരീക്ഷയുടെ അടിസ്ഥാനത്തിലാണ് സെലക്ഷന്. എന്ജിനിയറിംഗ/ടെക്നോളജി ബിരുദക്കാര്ക്കും എംസിഎ യോഗ്യത നേടിയവര്ക്കുമൊക്കെ അപേക്ഷിക്കാം. www.cdac.in, htp://acts.cdac.in എന്നീ വെബ്സൈറ്റുകളില് നിര്ദ്ദേശാനുസരണം രജിസ്റ്റര് ചെയ്യാവുന്നതാണ്.
ഏറെ തൊഴില് സാധ്യതയുള്ള ബിഗ് ഡാറ്റാ അനലിറ്റിക്സ്, ഇന്റര്നെറ്റ് ഓഫ് തിംഗ്സ്, മൊബൈല്കംപ്യുട്ടിംഗ്, സിസ്റ്റംസോഫ്റ്റ്വെയര് ഡവലപ്മെന്റ,് അഡ്വാന്സ്ഡ് കംപ്യൂട്ടിംഗ് ബയോമെഡിക്കല് ഇന്സ്ട്രുമെന്റേഷന് ആന്റ് ഹെല്ത്ത് ഇന്ഫര്മാറ്റിക്സ്, എംബഡഡ് സിസ്റ്റംസ് ഡിസൈന്, ജിയോ ഇന്ഫര്മാറ്റിക്സ്, എച്ച്പിസി സിസ്റ്റംസ് അഡ്മിനിസ്ട്രേഷന്, ഐടിഇന്ഫ്രാസ്ട്രക്ച്ചര് സിസ്റ്റംസ് സെക്യൂരിറ്റി, വിഎല്എസ്ഐഡിസൈന് എന്നീ വിഷയങ്ങളിലാണ് പിജി ഡിപ്ലോമാ കോഴ്സുകള് വിവിധകേന്ദ്രങ്ങളിലായി ലഭ്യമായിട്ടുള്ളത്.
സി-ഡാക്ക് കേന്ദ്രങ്ങള് ബാംഗ്ലൂരു, ചെന്നൈ, ഹൈദ്രാബാദ്, ഭൂവനേശ്വര്, ജയ്പൂര്, കാരാട്ട്, കൊല്ക്കത്ത, മൊഹാലി, മുംബൈ, നാഗ്പൂര്, നാസിക്ക്, ന്യൂദല്ഹി, നോയിഡ പാറ്റ്ന, പൂനൈ, സോളാപൂര്, തിരുവനന്തപുരം എന്നിവിടങ്ങളിലാണ് പ്രവര്ത്തിക്കുന്നത്. കൂടുതല് വിവരങ്ങള് www.cdac.in എന്ന വെബ്സൈറ്റില് ലഭിക്കും.
പ്രതികരിക്കാൻ ഇവിടെ എഴുതുക: