കണ്ണൂര്: ബാങ്ക് ജീവനക്കാരുടെ സംഘടനയായ ക്യൂബ് കണ്ണൂരിന്റെ രജതജൂബിലി വാര്ഷിക സമാപന സമ്മേളനം നാളെ നടക്കും. ചലച്ചിത്രതാരവും എം.എല്.എയുമായ മുകേഷ് പരിപാടി ഉദ്ഘാടനം ചെയ്യും. വൈകിട്ട് 4ന് കണ്ണൂര് ജില്ലാ ബാങ്ക് ഓഡിറ്റോറിയത്തില് നടക്കുന്ന ചടങ്ങില് പ്രവേശനം സൗജന്യമാണ്. ക്യൂബിന്റെ ആദ്യകാല ഭാരവാഹികളെ ഇ.പി. ജയരാജന് എംഎല്എ ചടങ്ങില് ആദരിക്കും. ക്യൂബ് സംഘടിപ്പിച്ച സംസ്ഥാനതല സാഹിത്യ മത്സര വിജയികള്ക്കുള്ള സമ്മാന വിതരണം ജില്ലാ പഞ്ചായത്ത് പ്രസിഡന്റ് കെ.വി. സുമേഷ് നിര്വഹിക്കും. തുടര്ന്ന് ബാങ്ക് ജീവനക്കാരുടെ നേതൃത്വത്തില് സൂചിയും നൂലും നാടകവും സംഗീത നിശയും അരങ്ങേറുമെന്ന് സംഘാടക സമിതി ഭാരവാഹികള് വാര്ത്താസമ്മേളനത്തില് അറിയിച്ചു. പി.മനോഹരന്, എം.കെ.മനോഹരന്, അശ്വിന് ജനാര്ദന്, വി. രവീന്ദ്രന് എന്നിവര് വാര്ത്താസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: