വടകര : അഴിത്തല സാ ന്റ്ബാങ്ക്സ് അഴിമുഖത്ത് ഫൈബര് വള്ളം പുലിമുട്ടിലിടിച്ച് തകര്ന്നു. വള്ളത്തിലുണ്ടായിരുന്ന രണ്ടു പേര്ക്കും രക്ഷാപ്രവര്ത്തനത്തില് ഏര്പെട്ട നാലു പേര്ക്കുമാണ് പരിക്കേറ്റത്.
പരിക്കേറ്റ ഇവരെ വടകര ജില്ലാ ആശുപത്രിയില് പ്രവേശിപ്പിച്ചു. അഴിത്തലയിലെ കാഞ്ഞായി അബ്ദുള്കരിമിന്റെ ഫൈബര് വള്ളമാണ് ഇന്നലെ രാവിലെ അപകടത്തില്പെട്ടത്. അഴിത്തലയിലെ പുത്തന്പുരയില് റിയാസ് (45), എംസി നിസാര് (42) എന്നിവരാണ് തോണിയിലുണ്ടായിരുന്നത്. കണയംകുളത്ത് മമ്മു, ഇയാളുടെ മകളുടെ ഭര്ത്താവ് റഷീദ് സിഎച്ച് ഇസ്മായില്, കാഞ്ഞായി ലത്തീഫ് എന്നിവരാണ് രക്ഷാപ്രവര്ത്തനം നടത്തിയത്. ഇതില് മമ്മുവിന്റെ കാലിനും കൈക്കുമുള്ള പരിക്ക് സാരമാണ്.
ചോമ്പാലില് നിന്നു മത്സ്യബന്ധനത്തിനു പോകുന്നതിനു വേണ്ടി അഴിത്തലയില് നിന്നു പുറപ്പെട്ടതായിരുന്നു.
അഴിമുഖത്ത് ശക്തമായ തിരയില്പെട്ട് തൊട്ടടുത്തുള്ള പുലിമുട്ടില് ഇടിച്ച് മറിയുകയായിരുന്നു. ഉടന് രക്ഷാപ്രവര്ത്തനം നടത്തിയതിനാല് വന് ദുരന്തം ഒഴിവായി.
പ്രതികരിക്കാൻ ഇവിടെ എഴുതുക: