ചേര്ത്തല: സിപിഐ എംഎല്എയുടെ മകളുടെ ആര്ഭാട വിവാഹത്തിന് എതിരെ എഐവൈഎഫ് ജില്ലാ സെക്രട്ടറിസമൂഹമാധ്യമത്തിലൂടെ പരസ്യമായി പ്രതികരിച്ചത് വിവാദമായി.
കഴിഞ്ഞ ആറിന് നടന്ന എഐവൈഎഫ് പട്ടണക്കാട് പഞ്ചായത്തിലെ പുതിയകാവ് യൂണിറ്റ് സെക്രട്ടറിയുടെ ലളിതമായ വിവാഹചടങ്ങിന്റെ ഫോട്ടോ സഹിതം ഫെയ്സ്ബുക്കില് പോസ്റ്റ് ഇട്ട ജിസ്മോന് ഇത് മറ്റുള്ളവര് മാതൃകയാക്കണമെന്നും പട്ടണക്കാട് നടന്ന മാതൃകാവിവാഹം നാട്ടിക എംഎല്എയ്ക്ക് സമര്പ്പിക്കുന്നതായുമാണ് രേഖപ്പെടുത്തിയത്.
ഇന്നലെ വൈകിട്ട് വരെ ഇതിന് 785 പേര് ലൈക്കും അടിച്ചിട്ടുണ്ട്.അതേസമയം ജിസ്മോന് എതിരെ ചിലരും രംഗത്തു വന്നിട്ടുണ്ട്. ഏതാനും വര്ഷം മുമ്പ് നടന്ന നേതാവിന്റെ കല്യാണത്തിന് വധു അണിഞ്ഞ സ്വര്ണാഭാരണങ്ങളുടെ കണക്ക് സഹിതമാണ് ചില സഹപ്രവര്ത്തകര് ജില്ലാ നേതൃത്വത്തിന് പരാതി നല്കിയിരിക്കുന്നത്.
പാര്ട്ടിക്കുള്ളില് ചര്ച്ച ചെയ്യേണ്ട കാര്യങ്ങള് പരസ്യമാക്കി പാര്ട്ടിക്ക് പൊതുസമൂഹത്തില് അവമതിപ്പുണ്ടാക്കിയതായുമാണ് ഇവരുടെ ആക്ഷേപം. എന്നാല് വിവാദങ്ങള്ക്ക് ഇല്ലെന്നാണ് ജിസ്മോന്റെ പ്രതികരണം.
പ്രതികരിക്കാൻ ഇവിടെ എഴുതുക: