പെണ്‍കുട്ടിയുടെ ആത്മഹത്യ; പ്രതി അറസ്റ്റില്‍

Monday 12 June 2017 11:45 pm IST

തിരുവനന്തപുരം: മണക്കാട് സ്വദേശിനിയായ പ്രായപൂര്‍ത്തിയാകാത്ത പെണ്‍കുട്ടി ആത്മഹത്യ ചെയ്ത കേസില്‍, പെണ്‍കുട്ടിയെ പീഡിപ്പിച്ച മണക്കാട് കുര്യാത്തി വാര്‍ഡില്‍ കളിപ്പാന്‍കുളം വിദ്യാഭവനില്‍ വിനുവിനെ ഫോര്‍ട്ട് പോലീസ് അറസ്റ്റ് ചെയ്തു. പെണ്‍കുട്ടിയോട് അടുപ്പം കാണിച്ച് പ്രതി പീഡിപ്പിക്കുകയായിരുന്നു. പീഡനത്തെത്തുടര്‍ന്ന് മനം നൊന്താണ് പെണ്‍കുട്ടി ആത്മഹത്യ ചെയ്തത്. ഫെയ്‌സ്ബുക്കിലൂടെ പെണ്‍കുട്ടിയുമായി ബന്ധം സ്ഥാപിച്ച വിനു നിരന്തരം ചാറ്റിംഗ് നടത്തിയിരുന്നു. പീഡനത്തിന് ഒരുദിവസം മുമ്പ് അതിരാവിലെ പെണ്‍കുട്ടിയുടെ വീട്ടില്‍നിന്നും ആരോ ഒരാള്‍ പുറത്തേയ്ക്ക് പോയതിനെ ചുറ്റിപ്പറ്റി നടത്തിയ അനേ്വഷണത്തിലാണ് പ്രതി വലയിലായത്. ഫോര്‍ട്ട് സിഐ എ. അജിചന്ദ്രന്‍ന്‍നായരുടെ നേതൃത്വത്തില്‍ പ്രിന്‍സിപ്പല്‍ എസ്‌ഐപി ഷാജിമോന്‍, എസ്‌ഐ സതീശ്, എഎസ്‌ഐ ഫ്രാന്‍സോ, ഗോപകുമാര്‍, ശ്രീകുമാര്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.  

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.