മുംബൈ: ഡോക്ടര്മാര് നിര്ദ്ദേശിക്കുന്ന മരുന്നിന്റെ വില കൂടിപ്പോയെങ്കില് അതിന് ബദലായി കുറഞ്ഞ വിലയില് ലഭിക്കുന്ന മരുന്ന് ഏതെന്ന് ഒരു എസ്.എം.എസിലൂടെ അറിയാന് സംവിധാനം വരുന്നു. സര്ക്കാരിന്റെ ഈ പുതിയ സേവനം രാജ്യത്തെമ്പാടും ഓഗസ്റ്റോടെ നടപ്പിലാക്കും.
ഡോക്ടര് എഴുതി നല്കുന്ന മരുന്നിന്റെ പേര് എസ്.എം.എസ് മുഖേന ഒരു പ്രത്യേക നമ്പരിലേക്ക് അയക്കുമ്പോള് ആ മരുന്നിന്റെ വിവിധ വിലയിലുള്ള ബദല് മരുന്നുകളുടെ വിവരങ്ങള് മറുപടിയായി ലഭിക്കുമെന്നതാണ് ഈ സേവനത്തിന്റെ പ്രത്യേകത. എന്നാല് എസ്.എം.എസ് മുഖേന ലഭിക്കുന്ന മരുന്നുകള് ഡോക്ടറുടെ നിര്ദേശപ്രകാരം മാത്രമേ കഴിക്കാന് പാടുള്ളൂവെന്ന കര്ശന നിര്ദേശവും ഇതോടൊപ്പം നല്കുന്നുണ്ട്.
പലപ്പോഴും ഒരേ മരുന്നുകളുടെ വിലകള് തമ്മില് വലിയ വ്യത്യാസമാണ് ഉണ്ടാകാറുണ്ട്. ഇത് അവസാനിപ്പിക്കുകയെന്ന ലക്ഷ്യമാണ് ഇത്തരമൊരു നീക്കത്തിന് പിന്നില്. ഏറ്റവും കൂടുതലായി വിറ്റുപോകുന്ന വേദനാസംഹാരികള്, ഗാസ്ട്രോ സംബന്ധമായ മരുന്നുകള് എന്നിവ ഈ പദ്ധതിക്ക് കീഴില് വരും.
മരുന്ന് വിപണിയുടെ മൂന്നില് രണ്ട് ഭാഗം പിടിച്ചെടുക്കുകയെന്ന ലക്ഷ്യമാണ് സര്ക്കാരിനുള്ളത്.
പ്രതികരിക്കാൻ ഇവിടെ എഴുതുക: