കൊച്ചി: പുതുവൈപ്പിനില് ഐഒസി പ്ലാന്റിനെതിരെ സമരം നടത്തിയവര്ക്കെതിരായ പോലീസ് നടപടിയില് മനുഷ്യാവകാശ കമ്മിഷന് കേസെടുത്തു. കുട്ടികളെ പൊലീസ് കസ്റ്റഡിയില് എടുക്കരുതായിരുന്നുവെന്ന് കമ്മീഷന് അഭിപ്രായപ്പെട്ടു.
സംഭവത്തില് മൂന്നാഴ്ചയ്ക്കകം റിപ്പോര്ട്ടു നല്കണമെന്നും സിറ്റി പൊലീസ് കമ്മിഷണറോട് നിര്ദേശിച്ചു.പ്രദേശത്ത് സംഘര്ഷാവസ്ഥയ്ക്ക് അയവില്ലാതിരിക്കെയാണു മനുഷ്യാവകാശ കമ്മിഷന്റെ നടപടി.
ജനവാസ കേന്ദ്രത്തില് ഐഒസി പ്ലാന്റ് പ്രവര്ത്തിക്കുന്നതിനെതിരെയായിരുന്നു നാട്ടുകാരുടെ സമരം. ഇതിനെ തുടര്ന്ന് സമരക്കാര്ക്കുനേരെ പോലീസ് ലാത്തി വീശുകയും നിരവധി പേര്ക്ക് പരിക്കേല്ക്കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: