ചെറുതുരുത്തി: ബി.ജെ.പി. പാഞ്ഞാള് പഞ്ചായത്ത് കമ്മിറ്റിയുടെ നേതൃത്വത്തില് കേന്ദ്ര, സംസ്ഥാന സര്ക്കാരുകളുടെ വിവിധ പദ്ധതികളെക്കുറിച്ചുള്ള ബോധവത്കരണവും പഠനശിബിരവും, വിദ്യാര്ത്ഥികള്ക്കുള്ള പഠനോപകരണ വിതരണവും, പൈങ്കുളം പി.എ.എം ഓഡിറ്റോറിയത്തില് വെച്ച് നടന്നു.
ബി.ജെ.പി.തൃശൂര് ജില്ലാ പ്രസിഡണ്ട് എ. നാഗേഷ് ഉദ്ഘാടനം ചെയ്തു.
കേന്ദ്ര സര്ക്കാര് നടപ്പിലാക്കി കൊണ്ടിരിയ്ക്കുന്ന വിവിധ തരം ക്ഷേമ പദ്ധതികള് സാധാരണക്കാരില് എത്തിയ്ക്കുക എന്ന ഉദ്ദേശത്തോടെയാണ് പഠനശിബിരം സംഘടിപ്പിച്ചത്.
ബി.ജെ.പി. പാഞ്ഞാള് പഞ്ചായത്ത് പ്രസിഡണ്ട് ടി.വി.രാധാകൃഷ്ണന് അദ്ധ്യക്ഷത വഹിച്ചു.
ബി.ജെ.പി.തൃശൂര് ജില്ലാ സെക്രട്ടറി അഡ്വ.ഉല്ലാസ് ബാബു മുഖ്യ പ്രഭാഷണം നടത്തി. ബോധവത്കരണ സെമിനാറുകള്, ബാലഗോകുലം പാലക്കാട് ജില്ലാ കാര്യദര്ശ് അഡ്വ.ഗോപാലന്കുട്ടി, ബി.എം.എസ്.സംസ്ഥാന ജനറല് സെക്രട്ടറി കെ.എന് വിജയന് എന്നിവര് നയിച്ചു.
പഠനശിബിര ക്ലാസുകള് യുവമോര്ച്ച ജില്ലാ സെക്രട്ടറി അഡ്വ സജിത്, ഭാരതീയ വിചാര കേന്ദ്രം മധ്യമേഖല ജന.സെക്രട്ടറി ഷാജിവരവൂര് ,പഞ്ചായത്ത് മെമ്പര് സാവിത്രി എന്നിവര് നയിച്ചു. ചേലക്കര നിയോജക മണ്ഡലം പ്രസിഡണ്ട് പി.കെ മണി, എം.വി.അശോക് കുമാര്, വസന്തകുമാരി എന്നിവര് ആശംസ അര്പ്പിച്ച് സംസാരിച്ചു.
തുടര്ന്ന് വിദ്യാര്ത്ഥികള്ക്കുള്ള പഠനോപകരണ വിതരണവും, എസ്.എസ്.എല്.സി, പ്ലസ് ടു വിജയികള്ക്കുള്ള അനുമോദനവും നടന്നു.
പ്രതികരിക്കാൻ ഇവിടെ എഴുതുക: