കോഴിക്കോട്: ഇതരസംസ്ഥാന തൊഴിലാളികളെ കേന്ദ്രീകരിച്ച് കഞ്ചാവ് വില്പന നടത്തുന്ന പശ്ചിമ ബംഗാള് സ്വദേശികളെ എക്സൈസ് സംഘം പിടികൂടി. പശ്ചിമ ബംഗാള് സ്വദേശികളായ കുത്തബുദ്ദീന് അഹമ്മദ്(33), നന്തു സേഖ്(29) എന്നിവരെയാണ് കോഴിക്കോട് എക്സെസ് സര്ക്കിള് ഓഫീസിലെ എക്സൈസ് ഇന്സ്പെക്ടര് പി. മുരളീധരന്റെ നേതൃത്വത്തിലുളള സംഘം അരകിലോഗ്രാം കഞ്ചാവുമായി പിടികൂടിയത്.
കുറ്റിക്കാട്ടൂര്, മാവൂര്, ചെറൂപ്പ ഭാഗങ്ങളില് ഇതര സംസ്ഥാന തൊഴിലാളികളെ കേന്ദ്രീകരിച്ചാണ് ഇവര് കഞ്ചാവ് വില്പന നടത്തിയിരുന്നത്. ചെറൂപ്പ അങ്ങാടിക്ക് സമീപം ഇവര് താമസിക്കുന്ന സ്ഥലത്തുവെച്ചാണ് പിടികൂടിയത്. ദിവസങ്ങളായി ഇവരുടെ താമസ സ്ഥലം എക്സൈസിന്റെ നിരീക്ഷണത്തിലായിരുന്നു. സിവില് എക്സൈസ് ഓഫീസര്മാരായ കെ. പ്രവീണ്കുമാര്, ടി.പി. ബിജുമോന്, എം. രാഗേഷ്, എം. അനില്കുമാര്, ഡ്രൈവര് എം. ജയപ്രകാശ് എന്നിവരും പിടികൂടിയ സംഘത്തില് ഉണ്ടായിരുന്നു. ഇവരെ കുന്ദമംഗലം ഒന്നാം ക്ലാസ് മജിസ്ട്രേറ്റ് കോടതി മുമ്പാകെ ഹാജരാക്കി.
പ്രതികരിക്കാൻ ഇവിടെ എഴുതുക: