പള്ളിപ്പുറം: റോഡിലൂടെ നടന്നുപോവുകയായിരുന്ന വീട്ടമ്മയുടെ മാല ബൈക്കിലെത്തിയ രണ്ടംഗസംഘം പൊട്ടിച്ചെടുത്തു. കളത്തില് ക്ഷേത്രത്തിന് സമീപമുള്ള സരോജിനിയുടെ മാലയാണ് പള്ളിപ്പുറം പാറേഴന് കവലക്ക് സമീപം ചൊവ്വാഴ്ച രണ്ടരയോടെ പൊട്ടിച്ചെടുത്തത്. കഴിഞ്ഞ ദിവസങ്ങളില് പള്ളിപ്പുറത്ത് നടന്ന മോഷണപരമ്പരയെ തുടര്ന്ന് സരോജിനി തന്റെ സ്വര്ണ്ണ മാല ഊരിവച്ചിരുന്നു. കഴുത്തിലണിഞ്ഞിരുന്ന വരവുമാല സ്വര്ണ്ണമെന്ന് കരുതിയാണ് മോഷ്ടാക്കള് പൊട്ടിച്ചത്. പാറേഴന് കവലക്ക് സമീപത്തെ അനുജത്തിയുടെ വീട്ടില് നിന്നും വീട്ടിലേക്ക് പോവുകയായിരുന്നു സരോജിനി. എതിര്ദിശയില് ഹെല്മറ്റ് ധരിച്ചെത്തിയ സംഘം സരോജിനിയുടെ പക്കല് എത്തിയപ്പോള് ബൈക്കിന്റെ വേഗം കുറച്ചശേഷം മാലപ്പൊട്ടിക്കുകയായിരുന്നു.
പ്രതികരിക്കാൻ ഇവിടെ എഴുതുക: