കണ്ണൂര്: അന്താരാഷ്ട്ര യോഗദിനാചരണത്തിന്റെ ഭാഗമായി ഇന്ന് രാവിലെ ഏഴ് മണിക്ക് കണ്ണൂര് ജവഹര് ലൈബ്രറി ഹാളില് യോഗ പ്രദര്ശനം നടക്കും. ദേശീയ ആയുര്മിഷനും ആയുഷ് വകുപ്പും സംയുക്തമായാണ് പരിപാടി സംഘടിപ്പിക്കുന്നത്. തുടര്ന്ന് 9 മണിക്ക് നടക്കുന്ന യോഗ ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.വി.സുമേഷ് നിര്വഹിക്കും. ചടങ്ങില് ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്മാന് കെ.പി.ജയബാലന് മാസ്റ്റര് അധ്യക്ഷത വഹിക്കും. യോഗ ശില്പശാല, ലഘുലേഖ വിതരണം, യോഗ നൃത്തശില്പാവതരണം എന്നിവയും പരിപാടിയുടെ ഭാഗമായി നടക്കും.
ഇതിനു പുറമെ ആയുഷ് വകുപ്പിന്റെ ജില്ലയിലെ എല്ലാ സ്ഥാപനങ്ങളിലും തദ്ദേശ സ്ഥാപനങ്ങളുടെ സഹകരണത്തോടെ ഇന്ന് യോഗ പരിശീലനം ഉള്പ്പെടെയുള്ള യോഗ ദിനാചരണ പരിപാടികള് നടക്കും.
14ന് ജില്ലാ കലക്ടര് ഫഌഗ് ഓഫ് ചെയ്ത വിളംബര ജാഥയോടെ ആരംഭിച്ച വകുപ്പിന്റെ ജില്ലയിലെ യോഗദിനാഘോഷത്തിന്റെ ഭാഗമായി ആയുര്വേദ ആശുപത്രികളിലും ഡിസ്പെന്സറികളിലും യോഗ പരിശീലനം, ബോധവല്ക്കരണ ക്ലാസ്സുകള്, സെമിനാറുകള്, രോഗപ്രതിരോധത്തിനും ആരോഗ്യസംരക്ഷണത്തിനുമായുള്ള വിവിധ യോഗമുറകളുടെ പരിശീലനം, സ്ത്രീകള്, കുട്ടികള്, വയോജനങ്ങള്, ഭിന്നശേഷിക്കാര് തുടങ്ങിയവര്ക്കുള്ള പ്രത്യേക യോഗപരിശീലനം തുടങ്ങിയ പരിപാടികള് നടന്നുവരികയാണെന്ന് ഭാരതീയ ചികില്സാ വകുപ്പ് ജില്ലാ മെഡിക്കല് ഓഫീസര് അറിയിച്ചു.
പ്രതികരിക്കാൻ ഇവിടെ എഴുതുക: