കണ്ണൂര്: കോഴിക്കോട് ജില്ലയിലെ ബേപ്പൂര്, നടുവട്ടത്തുളള കേരള സര്ക്കാര് ക്ഷീര പരിശീലന കേന്ദ്രത്തില് വെച്ച് മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലുള്ള ക്ഷീര കര്ഷകര്ക്ക് രണ്ടു ദിവസത്തെ പരിശീലനം സംഘടിപ്പിക്കുന്നു. പാലിന്റെ ഗുണനിലവാരം, മെച്ചപ്പെട്ട പാല്വില ലഭ്യമാക്കല്, ശാസ്ത്രീയ കറവരീതി, അനുബന്ധനിയമങ്ങള് തുടങ്ങിയ വിഷയങ്ങളില്23, 24 തീയതികളിലാണ് പരിശീലനം. പങ്കെടുക്കുവാന് താല്പര്യമുളളവര് നാളെ രാവിലെ 10 മണിക്ക് മുമ്പായി, ഫോട്ടോ പതിച്ച തിരിച്ചറിയല് കാര്ഡിന്റെ പകര്പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില് എത്തേണ്ടതാണ്. കൂടുതല് വിവരങ്ങള്ക്ക് ഓഫീസ് പ്രവൃത്തി സമയങ്ങളില് 0495 2414579 എന്ന ഫോണ് നമ്പറിലോ ബ്ലോക്ക് തലത്തിലുള്ള ക്ഷീരവികസന സര്വ്വീസ് യൂണിറ്റുമായോ ബന്ധപ്പെടാവുന്നതാണെന്ന് ക്ഷീര പരിശീലന കേന്ദ്രം പ്രിന്സിപ്പാള് അറിയിച്ചു.
പ്രതികരിക്കാൻ ഇവിടെ എഴുതുക: