കോഴിക്കോട്: യോഗാചാര്യന്മാരും അദ്ധ്യാപകരും സാധകരും ഒത്തുചേര്ന്ന് വിപുലമായ യോഗ ദിനാചരണം. കോഴിക്കോട് നഗരത്തിലെ പ്രമുഖ യോഗപഠന കേന്ദ്രങ്ങളുടെ സംയുക്ത ആഭിമുഖ്യത്തില് രൂപീകരിച്ച അന്താരാഷ്ട്ര യോഗ ദിനചരണ സമിതിയുടെ നേതൃത്വത്തിലാണ് ജില്ലാതല യോഗ ദിനാചരണം നടന്നത്.
ഇന്ഡോര് സ്റ്റേഡിയം, തളി ജൂബിലി ഹാള്, സ്നേഹാഞ്ജലി ഹാള് എന്നീ മൂന്നു വേദികളിലായി നൂറുകണക്കിന് പേര് യോഗ പ്രദര്ശനത്തില് പങ്കെടുത്തു.
മുഖ്യ വേദിയായ ഇന്ഡോര് സ്റ്റേഡിയത്തില് ജില്ലാ കലക്ടര് യു.വി. ജോസ് യോഗദിനാചരണത്തിന്റെ ഔദ്യോഗിക ഉദ്ഘാടനം നിര്വഹിച്ചു. സംഘാടകസമിതി ചെയര്മാന് പട്ടയില് പ്രഭാകരന് യോഗദിന സന്ദേശം നല്കി. ഏറ്റവും അധികം വ്യക്തിവികാസ സാധ്യത ഉള്ളത് മനുഷ്യനാണെന്ന് പട്ടയില് പ്രഭാകരന് പറഞ്ഞു.
ശരീര-മനോ-ബുദ്ധികളുടെ സമഗ്ര വികാസത്തിന് യോഗ സഹായിക്കുമെന്ന് അദ്ദേഹം പറഞ്ഞു. യോഗാചാര്യന്മാരായ പി. ഉണ്ണിരാമന്, വിജയരാഘവന്, ശരത്ചന്ദ്രന്, ഡോ. ആത്മദേവ്, ജനറല് കണ്വീനര് എം. ജയരാജ്, ടി. പി. രാജന് തുടങ്ങിയവര് സംസാരിച്ചു.
മൊയ്തീന്കോയ(സനാതനയോഗ സെന്റര്), ബാലകൃഷ്ണന് മാസ്റ്റര് (സാന്ദീപിനി അക്കാദമി ഓഫ് യോഗാസെന്റര്), സുനില്കുമാര് (ആര്ട്ട് ഓഫ് ലിവിംങ്), സുബീഷ് (പവര്യോഗ), സുധീര് എം. (സനാതനയോഗ), സുരേഷ് പി.വി. (ഇന്റര്നാഷണല് ശിവാനന്ദ സ്കൂള് ഓഫ് യോഗ), ഫരീദ(വിവേകാനന്ദ യോഗ വിദ്യാപീഠം), അനില്കുമാര് എ.വി. (സുദര്ശനയോഗ), ഷൈജേഷ്(കര്മ്മയോഗ), രതീഷ്കുമാര് (എസ് ആര്സി യോഗ) ഷാജുഭായ് (ഷാ യോഗ), പതഞ്ജലി യോഗ റിസര്ച്ച് സെന്റര്, ശിവാനന്ദ യോഗ വേദാനന്ദ വേദാന്ത സെന്റര്, സത്യാനന്ദയോഗ റിസര്ച്ച് സെന്റര്, ഫ്രന്റ്സ് ഓഫ് യോഗ, സ്വസ്തി ഹോളിസ്റ്റിക് യോഗ റിസര്ച്ച് സെന്റര്, ശിവാനന്ദ യോഗ കേന്ദ്രം എന്നിവര് നേതൃത്വം നല്കി. സായി സെന്ററിലെ വിദ്യാര്ത്ഥികളും യോഗ പ്രദര്ശനത്തില് പങ്കെടുത്തു.
തളി ജൂബിലി ഹാളില് നടന്ന യോഗപ്രദര്ശനം ഡോ. സി.ആര്. മഹിപാല് ഉദ്ഘാടനം ചെയ്തു. ജിഞ്ചു യോഗദിന സന്ദേശം നല്കി.
സ്നേഹാഞ്ജലി ഓഡിറ്റോറിയത്തില് പരിപാടി യോഗാചാര്യനും ജന്മഭൂമി പ്രിന്റര് ആന്റ് പബ്ലിക്കേഷറുമായ പി.സി. കൃഷ്ണവര്മ്മ രാജ ഉദ്ഘാടനം ചെയ്തു.
യോഗാചാര്യ വി. ജയരാജ് യോഗ പ്രദര്ശനത്തിന് നേതൃത്വം നല്കി. കെ.ഷൈനു, പി. ബൈജു എന്നിവര് സംസാരിച്ചു
പ്രതികരിക്കാൻ ഇവിടെ എഴുതുക: